३३ किलो सुन तस्करी काण्डका अभियुक्तको प्रहरी हिरासतमा रहस्यमय मृत्यु

महानगरीय प्रहरी बृत सिंहदरवारमा एक अभियुक्तको मृत्यु भएको छ। बर्दिया राजपुर नगरपालिका प्रयागपुर घर भई हाल काठमाडौंको चुच्चेपाटी बस्दै आएका प्रेमलाल चौधरीलार्इ प्रहरीले ३३ किलो सुन काण्डमा पक्राउ गरेको थियो।

मृत चौधरी त्रिभुवन अन्तर्राष्ट्रिय विमानस्थलमा कार्यरत थिए। विमानस्थलबाट सुन तस्करीमा तस्करहरूलार्इ सहयोग गरेको अभियोगमा चौधरीलार्इ सीअार्इबीले पक्राउ गरेको थियो।

अनुसन्धानका लागि महानगरीय प्रहरी बृत सिंहदरवारमा राखिएका उनको रहस्मय तरिकाले मृत्यु भएको हो।

मृतकको शव पोस्टमार्टमको लागि त्रिवि शिक्षण अस्पताल महाजगञ्ज लगिएको छ। घटनाको अनुसन्धान भइरहेको प्रहरीले जनाएको छ।