गाईघाटबजारको सरसफाइ
अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु)ले आज बिहान गाईघाट बजार सरसफाइ अभियान सञ्चालन गरेको छ ।
ट्राफिक चौक, लोकतान्त्रिक चौक, टेम्पो चौक, विपी चौक, डिएमगेट तथा असारी लाइन क्षेत्रमा बजार सरसफाइ अभियान सञ्चालन गरिएको अनेरास्ववियु उदयपुरले जनाएको छ ।
अनेरास्ववियु उदयपुरका अनुसार ‘आफ्नो आँगन आफैँ सफा राखौँ, हाम्रो नगर सुन्दर बनाऔँ’ भन्ने नाराका साथ गाईघाट बजार सरसफाइ गरिएको छ ।
अनेरास्ववियुका पूर्व केन्द्रीय सदस्य तथा प्रदेशसभा सदस्य बिमल कार्कीको नेतृत्वमा गरिएको सो सरसफाइ अभियानमा संगठन आबद्ध डेढ सयभन्दा बढी विद्यार्थी, युवा र नेकपा एमालेका जिल्ला नेताको सहभागिता रहेको अनेरास्ववियु उदयपुरका अध्यक्ष सरोज अधिकारीले बताउनुभयो ।
सरसफाइका क्रममा फोहार संकलन गर्ने र जलाउने तथा कतिपय फोहोर विभिन्न स्थानमा संकलन गरेर त्रियुगा नदी किनारमा लगेर नष्ट गर्ने कार्यसमेत गरिएको सो संगठनका सचिव भुवन दाहालले बताउनुभयो ।
