संगै युद्द लडेका विप्लबलाई गृहमन्त्री बादलले अतिवादी भन्दै यसरी सिध्याउने योजना सुनाए
गृहमन्त्री रामबहादुर थापाले नेकपा- विप्लव समूहलाई अतिवादी समूहको संज्ञा दिएका छन् । शनिबार भरतपुर विमानस्थलमा आयोजित पत्रकार सम्मेलनमा बोल्दै गृहमन्त्री थापाले अतिवादी समूहको गतिविधि नियन्त्रणका लागि सरकार लागिरहेको बताए ।
विप्लव समूहको गतिविधि गैर राजनीतिक भएको टिप्पणी गर्दै मन्त्री थापाले जनसरकारको नाममा पछिल्लो समय भइरहेको गतिविधि अराजकपूर्ण रहेको बताए । मन्त्री थापाले निकट भविष्यमा नै हुने प्रहरी महानिरीक्षक आइजीपी नियुक्ति नियम अनुसार नै हुने बताए । उनले भने – ‘यस अघि भएको जस्तो लफडा अब हुदैन, आइजीपी नियुक्तिमा कुनै समस्या छैन ।’
यो सरकारको मुख्य दायित्व शान्ति स्थापना र राजनैतिक स्थायित्व तथा विकास र सम्मृद्धि रहेको गृहमन्त्री थापाले बताए । उनले अपराध नियन्त्रण, भ्रष्टाचार नियन्त्रण, तस्करी नियन्त्रण मुख्य उद्देश्य रहेको बताए ।
