एकता संयोजन समितिको बैठक आज,बाम एकता सम्बन्धी यस्तो आयो पछिल्लो अपडेट
नेकपा माओवादी केन्द्र र नेकपा एमाले पार्टी एकिकरणका लागी बनेको एकता संयोजन समितिको बैठक आज बस्ने भएको छ ।एकता संयोजन समितिमा एमालेका तर्फबाट अध्यक्ष ओलीसहित माधवकुमार नेपाल, झलनाथ खनाल र महासचिव ईश्वर पोखरेल छन् । त्यसैगरी माओवादी केन्द्रबाट अध्यक्ष प्रचण्डसहित, नारायणकाजी श्रेष्ठ र रामबहादुर थापा ‘बादल’ सदस्य छन् ।
पार्टीको नेतृत्वमा –प्रचण्ड र केपी शर्मा ओली, पार्टीको नाम –नेपाल कम्युनिष्ट पार्टी र मार्ग निर्देशक सिदान्तमा–माक्र्सवाद, लेनिनवाद भनेर टुंगिसकेको भएपनि सदस्यसंख्यामा कसको कति प्रतिनिधित्व, जनयुद र चुनाव चिन्हको विषयमा विवाद सल्टिएको छैन ।
बराबरीको सिदान्तको आधारमा संगठनात्मक एकता, विधानको प्रस्तावनामा जनयुद्ध र सुर्यभित्र हँसिया हथौडा चुनाव चिन्ह हुनुपर्ने अडानमा माओवादी केन्द्र रहेको छ भने एमालेले ६०/४० प्रतिशतको आधारमा संगठनात्मक एकता, विधानको प्रस्तावनामा जनयुद्धको ठाउँमा जनक्रान्ति र सुर्य चुनाव चिन्ह रहनुपर्ने अडानमा छ ।
चुनाव चिन्ह र जनयुद्धको विषयमा दुवै दलका नेताहरु लचक रहेको भएपनि संगठनात्मक एकताको विषयमा बराबरीको सिदान्त मान्न एमाले तयार छैन । आजको बैठकले यिनै विषयहरुमा छलफल गर्ने छ ।
