ओली र प्रचण्डलाई सिध्याउने भन्दै विप्लबले जारी गरे यस्तो फर्मान,अरु को-को भए थर्कमान
नेत्रविक्रम चन्द विप्लव नेतृत्वको नेपाल कम्युनिष्ट पार्टीले प्रधानमन्त्री केपी ओली र माओवादी केन्द्रका अध्यक्ष पुष्पकमल दाहाल प्रचण्ड विरुद्ध पक्राउ पुर्जी जारी गरेको छ।
ओली र दाहालका नाममा ‘जनअदालत’ मा मुद्दा परेको भन्दै त्यसका बारे छलफल गर्नका लागि १५ दिनभित्र हाजिर हुन नेकपाले एक पत्र काटेर वारेन्ट जारी गरेको हो ।
प्रधानमन्त्री केपी ओलीविरुद्ध जारी गरिएको वारेन्ट पत्र मंगलबारै प्रधानमन्त्रीको भक्तपुरस्थित निजी निवास र धुम्बाराहीस्थित पार्टी कार्यालयमा टाँसिएको पार्टीले दाबी गरेको छ ।
‘केन्द्रिय जनअदालत’ का प्रकाशको नामबाट जारी गरि पूर्जीमा १५ दिनभित्र केन्द्रीय जनअदालत रोल्पामा उपस्थित हुन उर्दी जारी गरिएको छ ।दुबै विरुद्धमा फरक फरक मुद्दा परेको जनअदालतले जनाएको छ । केही दिन अगाडि सरकारले विप्लवका विरूद्ध पक्राउ पुर्जी जारी गरेको थियो ।
