आजै क्याबिनेट विस्तार गर्ने गरी ओली र प्रचण्डले यसरी मिलाए कुरो,यी बन्ने भए मन्त्री,देउवाले पठाए राष्ट्रपतिलाई यस्तो उपहार
एमाले अध्यक्ष तथा प्रधानमन्त्री केपी शर्मा ओली र माओवादी केन्द्रका अध्यक्ष पुष्पकमल दाहाल ‘प्रचण्ड’ बीचको वार्ता सकिएको छ। मन्त्री मण्डल विस्तारका सम्बन्धमा अन्तिम निर्णय गर्न ओली र प्रचण्डबीच प्रधानमन्त्री निवास बालुवाटारमा वार्ता भएको थियो।
पार्टी एकताको घोषणासँगै एमाले र माओवादीका नेतामा मन्त्री बन्ने दौडधुप सुरु भएको छ । एमाले र माओवादी पक्षका नेताहरु सरकारमा जाने मन्त्रीको नाम टुंगो लगाउने विषयमा आन्तरिक छलफलमा जुटेका छन् ।
आकांक्षी धेरै भएकाले मन्त्रीको टुंगो लगाउन एमाले र माओवादी दुवैलाई अप्ठ्यारो परिरहेको छ । दुवै पक्षमा गुटगत रुपमा पनि छलफल भइरहेको छ । सकेसम्म बुधबार नभए बिहीबारसम्ममा मन्त्री बन्नेको नाम टुंगो लगाएर सरकार विस्तार गर्ने तयारी रहेको छ ।
एमालेमा भीम रावल, ईश्वर पोखरेल, प्रदीप ज्ञवाली, गोकर्ण विष्ट वा योगेश भट्टराई, सुरेन्द्र पाण्डे, रवीन्द्र अधिकारी, रघुवीर महासेढसहितका नेताको नाम चर्चामा छ ।
यसैगरी माओवादीमा वर्षमान पुन, रामबहादुर थापा बादल, जनार्दन शर्मा, देव गुरुङ, मात्रिका यादव, पम्फा भुषालसहितका नेताको नाम चर्चामा रहेको छ । अरु नेताहरु पनि आफू मन्त्री बन्ने कसरतमा लागेका छन् । त्यसका लागि बुधबार बिहानैदेखि नेताहरु छलफलमा जुटेका छन् ।
नेपाली कांग्रेसको भातृसंस्था नेपाल तरुण दलले बुधबार राष्ट्रपति विद्यादेवी भण्डारीलाई संविधान उपहार दिँदै छ ।
राष्ट्रियसभामा तीन सदस्य मनोनित गर्दा राष्ट्रपतिले असंवैधानिक काम गरेको भन्दै तरुण दलले त्यसको विरोधमा राष्ट्रपति भण्डारीलाई बुधबार दिउँसो ३ बजे संविधान उपहार दिन लागेको हो ।
राष्ट्रपति भण्डारीले मंगलबार सरकारले सिफारिस गरेको केही घण्टामै तीनजनालाई राष्ट्रियसभा सदस्यमा मनोनित गरेकी थिइन् ।
केपी शर्मा ओली नेतृत्वको सरकारले शेरबहादुर देउवाको नेतृत्वमा रहेको सरकारले गरेको सिफारिस उल्ट्याउँदै नयाँ नाम सिफारिस गरेको थियो ।
देउवा सरकारले गरेको सिफारिस दुई हप्ता अड्याउने राष्ट्रपतिले ओली सरकारको सिफारिस केही घण्टामै अनुमोदन गरेको तथा यो संविधानमा व्यवस्था भएको नियम विपरित रहेको भन्दै कांग्रेसले विरोध जनाएको छ ।
