ज्योतिषीको सल्लाह अनुसार आज बालुवाटार छाड्दै देउवा
हिजै मात्र राजीनामा दिएका पूर्वप्रधानमन्त्री शेरबहादुर देउवाले आज सरकारी निवास बालुवाटार छाड्दैछन्।
बिहीबार प्रधानमन्त्री पदबाट राजीनामा दिएका उनले आज दिउँसो बालुवाटार छोड्ने तयारी गरेका हुन्। उनी गत असार ५ गते बिहान ५स्२२ बजे बालुवाटार प्रवेश गरेका थिए। २०७४ जेठ २३ गते प्रधानमन्त्री नियुक्त भए पनि उनी ज्योतिषीको सुझाव अनुसार नै ढिलोगरी बालुवाटार गएका थिए।
ज्योतिषीले बालुवाटार पसेको ९ महिनाअघि नै त्यहाँबाट बाहिरिन सल्लाह दिएका छन्, स्रोतले भन्यो, त्यसैले उहाँले फागुन ५ गतेअघि नै बालुवाटार छाडिसक्नुहुनेछ।
सरकारी निवास छाडेपछि उनी निजी निवास बूढानीलकण्ठ जानेछन्। देउवाको राजीनामापछि हिजै एमाले अध्यक्ष केपी ओली नयाँ प्रधानमन्त्री नियुकत भएका छन्।
