नयाँ सरकार : ओली प्रधानमन्त्री, बाबुराम अर्थमन्त्री, प्रचण्ड भन्छन म कि प्रधानमन्त्री ,कि अध्यक्ष



नेकपा एमालेका अध्यक्ष केपी शर्मा ओली नेतृत्वमा अब बन्ने सरकारमा नयाँ शक्ति नेपालका संयोजक डा. बाबुराम भट्टराई पनि सहभागी हुने चर्चा सुरु भएको छ ।

ढिलोमा अबको एक हप्ताभित्रै वाम गठबन्धनको नेतृत्वमा नयाँ सरकार गठन हुँदैछ । ओली नेतृत्वको सरकारमा बाबुराम सहभागी हुन चाहेको खुलासा भएको छ । यो खुलासासँगै नेपाली राजनीतिक वृत्तमा नयाँ तरंग उत्पन्न भएको छ ।

हुन त बाबुरामले व्यक्तिगत रुपमा यस्तो चाहना अहिलेसम्म ओली वा अन्य एमाले नेताहरुसँग व्यक्त गरेका छैनन् । तर, उनको पार्टीका नेताहरुले ओलीलाई भेटेर यस्तो प्रस्ताव गरेको स्रोतको दाबी छ । हुन त बाबुरामले आफ्नो एक मात्रै चाहना भनेको अब मुलुकलाई समृद्ध बनाउने भनेर सार्वजनिक अभिव्यक्ति समेत दिइसकेका छन् ।

अब स्थायी सरकार बन्ने भएकोले बाबुरामको चाहना ५ वर्षको लागि अर्थमन्त्री बनेर विकास योजनाहरु अघि सार्ने र कार्यान्वयन गर्ने चाहना छ । त्यही भएर होला, उनी निकटका नेताहरुले ओलीलाई बाबुरामको अप्रत्यक्ष रुपमा सन्देश प्रवाह गरेका छन् ।

प्रचण्ड भन्छन म कि प्रधानमन्त्री ,कि अध्यक्ष

माओवादी केन्द्रका अध्यक्षले दैनिकजसो राजनीतिक वृत्तमा तरङ्ग ल्याउने अभिव्यक्ति दिइरहँदा मङ्गलबार चितवन पुगेर आफू प्रधानमन्त्री बन्ने दाबी गरे । गृहजिल्ला चितवन पुगेर केही न केही बोलेर चर्चामा आउने गरेका प्रचण्डले नेकपा एमाले र माओवादी केन्द्रबीचको सम्भावित एकतामा आशंका बढाउने गरी अभिव्यक्ति दिएका हुन् ।

एमाले अध्यक्ष केपी ओली प्रधानमन्त्री बन्ने निश्चितप्रायः भइरहँदा प्रचण्डले आफू प्रधानमन्त्री बन्ने दाबी गर्नुले वाम एकता टर्ने सम्भावना बढेको हो । एकीकृत पार्टीको अध्यक्ष दाबी गरिरहेका प्रचण्डले ओलीलाई प्रधानमन्त्रीका लागि निशर्त सघाउने छाँट देखिदैन । प्रधानमन्त्री र अध्यक्षमध्ये एक पद बाँडफाँड हुनुपर्ने माओवादी पक्षको अडान उसका नेताहरूको सार्वजनिक अभिव्यक्तिबाट प्रकट भइरहेको छ । प्रचण्डले निकटस्थसँगको छलफलमा समेत आफू अध्यक्ष बन्ने निश्चित भएमात्र ओलीलाई प्रधानमन्त्रीका लागि सघाउने बताउने गरेको बुझिएको छ ।

एमालेभित्र ओली नै अध्यक्ष बन्नुपर्ने जोडबल देखिइरहेको छ । पछिल्लो समय ओली र प्रचण्ड दुवै सहअध्यक्ष हुनेगरी सहमति बनेको चर्चा समेत चल्यो । तर, प्रचण्ड यतिसम्म लचिलो हुँदैनन् भन्ने उनले फड्को मार्न सक्ने अभिव्यक्ति दिएबाट बुझ्न सकिन्छ । फड्कोको मतलब प्रचण्ड वाम एकताबाट टाढिएर प्रधानमन्त्री बन्न अग्रसर हुनसक्छन् ।

नेपाली काँग्रेसले अनौपचारिक तवरले प्रचण्डलाई प्रधानमन्त्री बन्न प्रस्ताव गर्दै आएको छ । काँग्रेस सभापति शेरबहादुर देउवा निकट नेताहरूले पाँच वर्ष प्रधानमन्त्री बन्न तयार रहन प्रचण्डलाई आग्रह गर्दै आएका छन् । तर, प्रचण्डले त्यसबारे प्रष्ट मुख खोलेका छैनन् । संसदमा काँग्रेसको समर्थनले मात्र प्रधानमन्त्री बन्न सक्ने अंक छैन । काँग्रेससहित मधेश केन्द्रित दलहरूको समेत समर्थन भएमा प्रचण्ड प्रधानमन्त्री बन्न सक्छन् । यो सम्भावना नकार्न सकिने अवस्था छैन ।

वाम एकताको पहल भइरहँदा प्रचण्डले दिइरहेको अभिव्यक्तिले राजनीतिले अर्को कोर्स लिने छाँट देखिदैछ । उनले फड्को मार्छु भन्नु र प्रधानमन्त्री बन्छु भन्नुलाई चेतावनी मात्र सम्झनु भुल हुन सक्छ । रणनीतिक चार्तुयता देखाउँदै जनयुद्धमार्फत् सत्ताको ढोका खोलेका उनी कुनै समय निकै कमजोर समेत ठानिएका थिए । पुनः शक्ति संचय गर्दै बिघटनको संघारमा पुगिसकेको पार्टीमा रक्तसंचार गर्दै तेस्रो शक्ति बन्न सके ।

प्रचण्ड संसदको अंकगणितका हिसाबले तेस्रो बलिया नेता छन् । तर, नेपाली राजनीतिलाई एउटा दिशा दिन सक्ने अस्त्र उनको हातमा पुगेको छ । यस हिसाबले प्रचण्डलाई सबैभन्दा शक्तिशाली नेता भन्दा अनुपयुक्त हुँदैन । प्रचण्डले बोल्ने अभिव्यक्तिले मात्र तरङ्ग ल्याउँछ । उनले के कदम चाल्छन् राष्ट्रिय अन्तर्राष्ट्रिय चासोको विषय बनेको छ ।

प्रचण्डले कुनै न कुनै फड्को मार्ने पक्का छ । एउटा फड्कोले उनलाई देशको सबैभन्दा ठूलो दलको अध्यक्ष बनाउँछ भने अर्को फड्कोले देशको तेस्रो शक्तिको अध्यक्ष कायमै राखेर प्रधानमन्त्रीको पदमा पु¥याउन सक्छ । यसकारण पनि प्रचण्ड नेपाली राजनीतिमा हालीमुहाली देखिदैछन् । खाएपनि नखाएपनि बाघको मुख रातो ! प्रचण्ड प्रधानमन्त्री बनेपनि नबनेपनि देशका वर्तमान नेताहरूभन्दा सबैभन्दा शक्तिशाली नेताको उचाई बनाउन सक्ने भएका छन् ।

प्रतिक्रिया दिनुहोस
खानेपानी बोर्डले ऐन संशोधनका लागि अघि सारेको प्रस्तावलाई संसदबाट पास गराउँछु : मन्त्री यादव

     खानेपानी मन्त्री प्रदीप यादवले काठमाडौँ खानेपानी व्यवस्थापन बोर्डले आवश्यक ऐन संशोधनका

न्यूरोडमा काठमाडौं महानगर र स्थानीयवासीबीच तनाव

    न्यूरोडमा काठमाडौं महानगर र स्थानीयवासीबीच उत्पन्न भएको तनाव अझै साम्य भएको

प्रचण्ड, माधव र रविबीच भेटवार्ता

    नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एसका अध्यक्ष माधव

सम्पन्न भएको आयोजना भुक्तानी रोकिँदैन : अर्थमन्त्री पौडेल

    उपप्रधान एवं अर्थमन्त्री विष्णुप्रसाद पौडेलले निर्माण क्षेत्रका समस्याको आगो तापेर नबस्ने