प्रचण्ड-ओली निर्णायक वार्तामा ओली लच्किएको यस्तो आयो सूचना,प्रचण्डले पार्टी हाक्ने बाटो खुल्यो



पार्टी एकतालाई निष्कर्षमा पुर्‍याउन वाम गठबन्धनका शीर्ष नेता गोप्य छलफलमा छन्। नयाँ सरकार गठन अगाडि नै एकीकृत पार्टीको रुपरेखा तयार गर्न नेकपा एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल प्रचण्डबीच गोप्य वार्ता भइरहेको छ। स्रोतका अनुसार दुवै नेताबीच अहिले गोप्य स्थानमा निर्णायक वार्ता चलिरहेको छ।

नयाँ सरकार गठन र पार्टी एकताको विषयमा दुवै दलका शीर्ष नेताले गत बिहीबार करिब ३ घन्टा छलफल गरेका थिए। बैठकले भोलिपल्टै अर्थात् शुक्रबार एकता संयोजन समितिको बैठक बस्ने निर्णय गरे पनि तयारी नपुगेको भन्दै अन्तिम समयमा आएर स्थगित गरिएको थियो।

पार्टी एकता भाँडिने अवस्थामा पुगेको भन्दै विभिन्न तहबाट आशंका व्यक्त भइरहेको समयमा दुवै दलका शीर्ष नेता प्रक्रियालाई निर्णायक तहमा पुर्‍याउने गरी तयारीमा जुटेका हुन्।

स्रोतका अनुसार माओवादी केन्द्रका अध्यक्ष दाहालले वार्ता सकारात्मक दिशामा अघि बढेको भन्दै एक दुई दिनमा नतिजा निस्कने बताएका छन्। दाहालले एकीकृत पार्टीको नेतृत्व माओवादीलाई दिएर एकता प्रक्रिया टुङ्गोमा पुर्‍याउन एमाले सकारात्मक देखिएको बताउँदै केही दिनमै नतिजा निस्कने बताएका हुन्।
स्रोत भन्छ, ‘पार्टी एकता संयोजन समितिको बैठक बस्ने बित्तिकै एकता प्रक्रियाको विषयमा ‘ब्रेक थ्रु’ हुनेछ।’

नेकपा एमालेका अध्यक्ष केपी शर्मा ओलीले माओवादी केन्द्रसँगको एकताको लागि अर्को चमत्कार गर्ने तयारीमा जुटेका छन् ।ओली निकट उच्च स्रोतको अनुसार ओलीले आज यसबारेमा आफू निकट नेताहरुसँग गम्भिर भेटवार्ता गरेका छन् । एमाले उपाध्यक्ष वामदेव गौतम, महासचिव ईश्वर पोखरेल, उप–महासचिव विष्णु पौडेल र सचिव प्रदिप ज्ञवालीसँगको भेटवार्तामा ओलीले आफू माओवादी केन्द्रका अध्यक्ष पुष्पकमल दाहाल प्रचण्डलाई अध्यक्ष दिन तयार रहेको विश्वास दिलाएका थिए ।

उनले वाम गठबन्धन घोषणा गर्नुभन्दा पहिल्यै नै ओलीले प्रचण्डलाई अध्यक्ष दिने भद्र सहमति गरेको खुलासा एमालेकै नेताहरुले खुलासा गरेका थिए । तर, प्रचण्डलाई अहिल्यै नै अध्यक्ष दिन नसकिने एमाले नेताहरुले बताउन थालेपछि एकतामा समस्या आएको हो ।

एमालेका एक नेताले भने,‘हाम्रो अध्यक्ष प्रच्ण्डलाई अध्यक्ष दिन तयार हुनुहुन्छ, तर प्रचण्डले धम्क्याउन भएन, उहाँले धम्क्याउने हिसावले प्रस्तुत हुनु भएन्।’

स्रोतका अनुसार ओलीले आफू त्याग गरेर भएपनि एकतालाई निश्कर्षमा पुर्याउन तयार रहेको आजको बैठकमा नेताहरुलाई वचनबद्धता जनाएका छन् । उनले ०४७ सालमा मदन भण्डारीले मनमोहन अधिकारीलाई अध्यक्ष दिएझैं आफूपनि प्रचण्डलाई अध्यक्ष बनाउन तयार रहेको विश्वास दिलाएका छन् ।

माओवादी केन्द्रका अध्यक्ष प्रचण्डले हिजो नै चितवनको एक कार्यक्रममा अध्यक्ष वा प्रधानमन्त्रीमध्ये एक पद नदिईए एकता हुन नसक्ने अभिव्यक्ति दिएका थिए । प्रचण्डले सुरुदेखि नै ओली अबको प्रधानमन्त्री भनेर बताउँदै आएका थिए । तर, ओली प्रधानमन्त्री भए आफूलाई अध्यक्ष दिनुपर्ने बताउँदै आएका छन् ।

प्रतिक्रिया दिनुहोस
खानेपानी बोर्डले ऐन संशोधनका लागि अघि सारेको प्रस्तावलाई संसदबाट पास गराउँछु : मन्त्री यादव

     खानेपानी मन्त्री प्रदीप यादवले काठमाडौँ खानेपानी व्यवस्थापन बोर्डले आवश्यक ऐन संशोधनका

न्यूरोडमा काठमाडौं महानगर र स्थानीयवासीबीच तनाव

    न्यूरोडमा काठमाडौं महानगर र स्थानीयवासीबीच उत्पन्न भएको तनाव अझै साम्य भएको

प्रचण्ड, माधव र रविबीच भेटवार्ता

    नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एसका अध्यक्ष माधव

सम्पन्न भएको आयोजना भुक्तानी रोकिँदैन : अर्थमन्त्री पौडेल

    उपप्रधान एवं अर्थमन्त्री विष्णुप्रसाद पौडेलले निर्माण क्षेत्रका समस्याको आगो तापेर नबस्ने