आफुलाई नसकेपछी एकता भाड्न ओलीलाई शक्तीकेन्द्रले उकासेको भन्दै प्रचण्डले भने-‘हो, एकतामा केही अप्ठेरा छन्



माओवादी केन्द्रका अध्यक्ष पुष्पकमल दाहाल ‘प्रचण्ड’ ले आफूलाई प्रयोग गरेर एमाले–माओवादी केन्द्रबीच एकता हुन नदिन आफूलाई उकास्नतिर लागेको केही शक्ति र व्यक्तिहरु यतिबेला एकता भाँड्न एमाले अध्यक्ष केपी शर्मा उकास्न सक्रिय रहेको बताएका छन्। तर, उनीहरुबाट ओली सचेत रहेकाले अप्ठ्यारोका बीच दुई पार्टीबीच एकता भएरै छाड्ने दावीपनि प्रचण्डले गरेका छन्।

आइतबार विहान पार्टी एकताका विषयमा जानकारी लिन खुमलटारस्थित प्रचण्ड निवास पुगेको अखिल क्रान्तिकारी) का केन्द्रीय पदाधिकारीहरुलाई एकताबारे जानकारी दिँदै प्रचण्डले उपरोक्त दावी र खुलाशा गरेका हुन्। अध्यक्ष रन्जित तामाङ, उपाध्यक्षहरु सुरेन्द्र बस्नेत, तिलकराज भण्डारी, पञ्चा सिंह, विजय गौतम सहित विद्यार्थी नेताहरु एकताबारे जानकारी लिन प्रचण्ड निवास पुगेका थिए।

‘देशी–विदेशी तत्वहरु एमाले–माओवादी केन्द्रबीच एकता हुन नदिन एक महिना जति मेरो पछि लागे, पुरै पाँच वर्ष तपाईं नै प्रधानमन्त्री हुनुस् भने, यो एकता भाँड्ने प्रयास हो भनेर मैले उनीहरुको कुरा टेरिन’ क्रान्तिकारीका नेताहरुसँग प्रचण्डले भने, ‘मैले नटेरेपछि अहिले तिनै तत्वहरु ओलीजीतिर लागेका छन्, उहाँलाई अनेक तरहले उक्साउने कोशिष गरिरहेका छन्।’

एमाले–माओवादी केन्द्रबीचको एकता भाँड्न उकासिरहेको तत्वको क्रियाकलापप्रति ओलीपनि उत्तिकै सतर्क रहेको दावीपनि प्रचण्डले गरे। ‘उनीहरुले जे गरिररहेका छन्, त्यो एकता भाँड्ने नियतले गरिरहेका छन् भन्ने कुराप्रति ओलीजीपनि प्रष्ट हुनुहुन्छ’ प्रचण्डले भने, ‘हो, एकतामा केही अप्ठेरा छन्। तर, त्यसका बीचपनि एकता चाहिँ हुन्छ।’

प्रतिनिधि सभा तथा प्रदेश सभा निर्वाचनमा वामगठबन्धनले हासिल गरेको सफलतापनि एकताका लागि जनादेश भएको व्याख्या प्रचण्डले गरेका थिए। ‘चुनावमार्फत् जनताले एकताका लागि म्याण्डेट दिइसकेका छन्’ प्रचण्डले भने, ‘त्यसैले चुनावको म्याण्डेटविपरित दायाँबायाँ गर्ने छुट हामी कसैलाई छैन।’

प्रतिक्रिया दिनुहोस
निगमभित्र पाइलटको मनोमानी, क्यानले छानवीन गर्दै

    नेपाल वायू सेवा निगमको कर्मचारी पदोन्नतीमा व्यक्तिगत मोलाहिजा र भेदभाव भएको

प्रधानमन्त्रीसँगै मन्त्रिपरिषदलाई पुर्णता दिएर सरकारलाई फूल गियरमा कुदाउने तयारी

    आइतवार नयाँ सरकार गठनको गृहकार्यमा जुटेका नेपाली कांग्रेस र नेकपा एमालेले

कांग्रेसबाट ५ जना मन्त्रीको नाम टुंगियो

    कांग्रेस सभापति शेरबहादुर देउवाले पार्टीका एमाले अध्यक्ष केपी शर्मा ओलीले नेतृत्वको

केपी शर्मा ओलीलाई आइतबार प्रधानमन्त्रीमा नियुक्त गर्ने

    राष्ट्रपति रामचन्द्र पौडेलले नेकपा एमालेका अध्यक्ष केपी शर्मा ओलीलाई आइतबार प्रधानमन्त्रीमा