राष्ट्रपतिमा दोहोरिने भण्डारीको इच्छा, प्रचण्ड सहमत ,एमालेमा बिबाद
राष्ट्रपति विद्यादेवी भण्डारीले एमाले अध्यक्ष केपी ओली र माओवादी अध्यक्ष प्रचण्डसँग भेट गरेर पार्टी एकता गर्न सुझाब दिएकी छिन् ।
आइतबार प्रचण्ड र ओलीलाई भेट गरेकी भण्डारीले ओली प्रधानमन्त्री र प्रचण्ड पार्टी अध्यक्ष बन्ने गरी एकता गर्न सुझाब दिएको बताइएको छ ।
दुवै अध्यक्षलाई एकसाथ लञ्च मिटिङमा बोलाएर भण्डारीले आफू राष्ट्रपतिमा दोहोरिन चाहेको बताएकी छिन् ।
राष्ट्रपति कसलाई बनाउने भन्ने विषयमा एमाले र माओवादीबिच भागबण्डाको विषय बनिरहँदा भण्डारीले आफूलाई अब एक कार्यकाल मौका दिन आग्रह गरेकी हुन् ।
भण्डारीको आग्रहप्रति प्रचण्डले पनि ग्रिन सिग्नल दिएको बताइएको छ । ओली त पहिलेदेखि नै भण्डारीकै पक्षमा थिए । भण्डारीले उपराष्ट्रपतिमा पनि नन्दबहादुर पुनलाई नै दोहो¥याउन आग्रह गरेकी छिन् ।
तर भण्डारीलाई दोहोरिन दिने विषयमा एमालेभित्रै एकमत छैन ।
पूर्व अध्यक्ष झलनाथ खनालले पनि राष्ट्रपति बन्ने इच्छा देखाएका छन् । कतिपयले खनाललाई राष्ट्रपति बनाउनुपर्ने बताउँदै आएका छन् ।
