मुख्यमन्त्री बन्न राजेन्द्र पाण्डेले बढाए सक्रियता,तीन नम्बर प्रदेशमा मुख्यमन्त्रीको चर्चाले एमालेमा यस्तो खैलाबैला
धादिङका राजेन्द्र पाण्डे ३ नम्बर प्रदेशको मुख्य मन्त्री बन्नकै लागि प्रदेश सभाको चुनाव लडे । अरुलाई प्रतिनिधिसभामा उठाएर जिताउने भूमिका खेलेका पाण्डेले धादिङलाई लालकिल्ला नै बनाउन मुख्य भूमिका खेलेका पनि हुन् ।
तर अष्टलक्ष्मी शाक्यले पनि चुनाव जितेकी छिन् र एकजना महिला मुख्य मन्त्री बन्ने थलो ३ नम्बरबाहेक अन्यत्र नरहेपछि एमालेभित्र किचलो सुरु भएको हो ।
राजेन्द्र पाण्डेले केशव स्थापितलाई उठाएर होस् कि प्रचण्डलाई गुहारेर होस्, मुख्य मन्त्री मै हुनुपर्छ भनेर लविङ तीब्र पारिरहेका छन् ।
यतिमात्र होइन, माधव नेपाल समूहका भएकाले उनले कुनै हालतमा मुख्यमन्त्री मै हुनुपर्छ भनेर अध्यक्ष ओलीमाथि दबाब दिइरहेका छन् । तर अष्टलक्ष्मी शाक्य, शान्त भएर पार्टीले मूल्यांकन गर्ने र सकारात्मक निर्णय गर्छ भनेर प्रतिक्षा गरिरहेकी छिन् ।
५ नम्बरमा शंकर पोखरेल हुने निश्चित गरे पनि बाँकीमा को त ? व्यापक चलखेल चलिरहेको छ । यो गुटबन्दीले बलियो एमालेलाई कमजोर पार्ने आँकलन गर्न थालिएको छ ।
स्मरणीय के पनि छ भने पार्टीका एक वरिष्ठ नेताका अनुसार वाम गठबन्धन विजयी भएको अवस्थामा शाक्यको मुख्यमन्त्री निर्विवाद रहेको समझदारी चुनावपूर्व नै बनेको थियो, प्रदेश पाँचमा जस्तै ।
नेता राजेन्द्र पाण्डेको पक्षमा पनि मुख्य मन्त्री पदको लविङ सुरु भएपछि शाक्य समर्थकहरु तातिएका छन् । महिला भएकै कारण उनको वरियता तथा वैधानिक दावी मिचिने सक्ने चर्चा पनि पार्टी भित्र हुन थालेको सुनिदै छ ।
