मध्यराति १४ लाख लुटेपछि गालामा ‘किस’ खाएर यसरी भागे लुटेरा



बुधबार बिहान भक्तपुरमा नाटकीय शैलीमा डकैती गर्ने गिरोहका सदस्यले सम्पती लुटिसकेपछि नाटकीय शैलीमै भागेको पीडितले बताएका छन्। लुटेराममध्ये एकले पीडित राम तामाङका छोरालाई गालामा ‘किस’ खाएर भागेका थिए। सुरुमा रिभल्वर देखाई परिवारका सदस्यलाई नियन्त्रणमा लिएका उनीहरुले पछि सबै धनमाल लिइसकेपछि अनौठो व्यवहार देखाएका हुन्।

पीडित तामाङका अनुसार सबै सम्पती लिइसकेपछि एक लुटेराले आफ्ना छोराको गाला सुमसुम्याएर किस खाएर निस्किएका थिए।

‘आमासहित सबै परिवारलाई नियन्त्रणमा लिए, मलाई आमालाई केही गर्लान भन्ने डर लाग्यो, मेरो आमालाई केही नगर, के चाहिन्छ लैजाऊ भनेपछि नगद, गहना, मोबाइल सबै लगे, मेरो होस् नै उड्यो,’ लामा भन्छन्,‘भाग्ने बेला एउटाले छोराको गालामा म्वाई खाएर गयो।’

काभ्रे ज्याम्दी गाउँपालिका–९ घर भई सिपाडोल बस्दै आएका कुखुरा व्यवसायी तामाङको परिवारलाई पेस्तोल देखाएर नियन्त्रणमा लिई उनीहरुले डकैती गरेका हुन्।
बिहान करिब २ः३० बजे लामा बस्दै आएको घरको पर्खाल नाघेर कम्पाउण्डमा प्रवेश गरी मुख्य ढोकाको भेन्टिलेटरको सिसा फुटाएर हात छिराइ ढोकाको चुकुल खोलेर घरभित्र छिरेका थिए।
लुटेराले १० वटा मोबाइल, एक मोटरसाइकल, करिब १८ तोला सुन, नगद एक लाख ६२ हजार रुपैयाँ नगद लुटेका छन्।

डकैती समूहमा आएकाले एक जनाले पेस्तोल देखाएको, एक जनाले पेस्तोल बोकेको र अन्यले खुकुरी, रडलगायतका घरेलु हतियार लिएका डकैती गरेका हुन्।
२ घन्टापछि मात्र आफुहरुले घटनाको जानकारी पाएको र अनुसन्धान अघि बढाइएको भक्तपुरका डिएसपी कृष्ण प्रसाईले बताए। महानगरीय अपराध महाशाखाले पनि घटनाको अनुसन्धान थालेको छ।

प्रतिक्रिया दिनुहोस
ओलीको नेतृत्वमा मुलुकले उन्नतिको बाटो समात्नेछ : देउवा

     नेपाली कांग्रेसका सभापति शेरबहादुर देउवाले एमाले अध्यक्ष केपी शर्मा ओली नेतृत्वको

कांग्रेस-एमालेबीचको ७ बुँदे सहमति प्रधानमन्त्री ओलीले सुनाए

     प्रधानमन्त्री केपी शर्मा ओलीले कांग्रेससँग भएको सात बुँदे सहमति बाचन गरेका

सहकारी ठगलाई कारबाही गर्छौँ : प्रधानमन्त्री ओली

    प्रधानमन्त्री केपी शर्मा ओलीले कुनै कालखण्डमा भएको भ्रष्टाचार र जोकोही भ्रष्टाचारी

बागमतीका मुख्यमन्त्री जम्कट्टेलले राजीनामा दिने

    नेकपा माओवादी केन्द्र बागमती प्रदेश संसदीय दलको सुझावपछि मुख्यमन्त्री शालिकराम जम्कट्टेलले