राष्ट्रियसभाका लागि कांग्रेसले टुंग्यायो तीनवटा प्रदेशमा उमेदवार (सुचिसहित)
सत्तारुढ नेपाली कांग्रेसले आशन्न राष्ट्रियसभा निर्वाचनका लागि तीन वटा प्रदेशबाट उमेदवारहरुको टुंगो लगाएको छ । प्रधानमन्त्रीको सरकारी निवास बालुवाटारमा बसेको कांग्रेसका शीर्ष नेताहरुको बैठकले ४, ६ र ७ नम्बर प्रदेशबाट राष्ट्रियसभाका उमेदवारहरुको टुंगो लगाएको हो ।
बैठकले ४ नम्बर प्रदेशबाट खुलातर्फ सुरेन्द्रराज पाण्डेय, महिलातर्फ वृन्दा रानामगर, दलिततर्फ जीतबहादुर नेपाली र अपांग–÷अल्पसंख्यकतर्फ प्रकाश पन्तको नाम टुंगो लगाएको कांग्रेस प्रवक्ता विश्वप्रकाश शर्माले जानकारी दिए ।
त्यस्तै ६ नम्बर प्रदेशबाट विष्णुबहादुर शाही (खुल्ला) , सूर्यदेवी मल्ल (महिला) सिताराम विक (दलित) र गोपाल प्रसाद शर्मा (अपांग अल्पसंख्यक) लाई उम्मेदवार बनाएको छ ।
कांग्रेसले ७ नम्बर प्रदेशबाट बद्रीप्रसाद पाण्डे (खुला), तारादेवी भट्ट (महिला), शेरीराम पार्की (दलित) र छत्रराज जोशी (अपांग–अल्पसंख्यक) लाई राष्ट्रियसभाका लागि उमेदवार बनाउने निर्णय गरेको छ ।
