भोलिबाट खुल्ने भनिएको सामुदायिक लघुवित्तको आईपियो किन रोकियो ?

हाम्रो इकोनोमि

सामुदायीक लघुवित्त वित्तीय संस्था लिमिटेड (Samudayik Laghubitta Bittiya Sanstha Ltd.) ले निष्कासन गर्न लागेको साधारण शेयर (आईपीओ) नेपाल धितोपत्र बोर्डले रोकेको छ । सामुदायिक लघुवित्त वित्तीय संस्था लिमिटेडले भोली माघ ९ गते देखि ३ करोड रुपैयाँ बराबरको ३ लाख कित्ता आइपिओ निष्काशन गर्ने तयारी गरेको थियो ।

लगानीकर्ताले छिटोमा माघ १२ सम्म र ढिलोमा फागुन ८ गतेसम्म आईपिओमा आवेदन दिन सक्ने गरी कम्पनीले आह्वान पत्र समेत सार्बजनिक गरिसकेको थियो । तर अचानक कम्पनीको आईपिओ निष्काशन प्रक्रिया स्थगित भएको छ ।

कम्पनीले आज एक सूचना जारि गर्दै अर्को सूचना जारी नभएसम्म आईपिओ सम्बन्धि सम्पूर्ण प्रक्रिया स्थगन भएको जानकारी दिएको हो । धितोपत्र बोर्डले माघ २ गते पत्र पठाएर बिशेष कारणबश अर्को जानकारी नगराएसम्म प्रारम्भिक निष्काशन रोक्न निर्देशन दिएकोले आईपिओ निष्काशन हालको लागि स्थगन गरिएको लघुवित्तले जनाएको छ ।

सर्वसाधारणमा आइपीओ निष्काशन पश्चात कम्पनीको चुक्ता पुंजी १० करोड पुग्नेछ भने शेयर स्वामित्व संस्थापक तर्फ ७० प्रतिशत र साधारणतर्फ ३० प्रतिशत पुग्नेछ। कम्पनीको शेयर निष्काशन तथा बिक्रि प्रबन्धकमा नेपाल एसबीआई मर्चेन्ट बैंकिङ रहेको छ ।

नेपाल राष्ट्र बैंकबाट ‘घ’ वर्गको इजाजतपत्र प्राप्त यस वित्तीय संस्थाले २०७० साल चैतबाट कारोवार गर्दै आएको छ। लघुवित्तले हाल ३२ वटा शाखा मार्फत १५ जिल्लामा लघुवित्त सेवा दिंदै आएको छ।