एमाले–माओवादी एकता संयोजन समितिको बैठक आज अपरान्ह बस्दै छ ।
एमाले अध्यक्ष केपी शर्मा ओलीको निवास बालकोटमा अपरान्ह ३ बजे बोलाइएको पार्टी एकता संयोजन समितिको बैठकका एजेन्डा तय गर्न एमाले अध्यक्ष ओली र माओवादी अध्यक्ष दाहालबीच शनिबार छलफल भएको थियो। अहिलेसम्म भएका सहमति र संयुक्त कार्य दलले तयार पारेको खाकाका बारेमा छलफल हुने बताइएको छ ।
दुवै पार्टीले अंगीकार गर्दै आएको सिद्धान्त र भूमिकालाई स्विकार्दै शान्तिपूर्ण राजनीतिक प्रतिस्पर्धात्मक बाटोबाट सामाजिक न्याय, समानतासहितको समाजवादलाई कार्यदिशा बनाउन ओली–प्रचण्ड सहमत भएका हुन् । तर, त्यसको संश्लेषण गर्न भने कार्यदल बनाइने भएको छ । आजको संयोजन समितिको बैठकले सो कार्यदल निमार्ण गर्ने छ ।
