प्रदेशसभाका निर्वाचित सदस्य सपथका लागी नेपाली सेनाको हेलिकप्टरबाट प्रदेश नम्वर ६ को अस्थायी मुकाम सुर्खेत पुगेका छन् । समानुपातिकमा विजयी भएका उम्मेदवार शुक्रबार विजयी भएको प्रमाणपत्र लिन निर्वाचन आयोगको केन्द्रीय कार्यलय काठमाडौं आएको थिए । तर, खराब मौषमका कारण शनिवार दिनभर विमान कुरेका सांसद आइतवार विहानै सेनाको हेलिकप्टरबाट सुर्खेत पुगेका हुन् ।
६ नम्बर प्रदेशका ४० सांसद मध्ये काठमाडौँमा रहेका २७ जनालाई आइतबार विहान सेनाको हेलिकप्टरमार्फत सुर्खेत ल्याइएको हो। शनिबार दिनभर र हवाई उडान अवरोध हुँदा उनीहरू काठमाडौँमै रहेका थिए। आइतबार बिहान ११ बजे उनीहरूलाई सपथ खुवाउने कार्यक्रम रहेकाले हवाइजहाजबाट नेपालगञ्ज हुँदै सुर्खेत पुग्न सम्भव नभएपछि सेनाको हेलिकप्टर प्रयोग गरिएको सांसदहरुले बताएका छन् ।
यद्यपी उनिहरुको हवाई खर्च कसले ब्यहोरेको हो केही खुलाइएको छैन । यसैविच, खराब मौषमका कारण विमान नउडेपछि गएराति नै गाडीमा काठमाडौंबाट सुर्खेत हिडेका प्रदेश प्रमुख मोहनराज मल्ल भने अझै आईपुगेका छैनन । जसका कारण त्यहा सपथ ढिलो हुने भएको छ ।
