भाबी प्रहरी प्रमुखका लागी यी चार भाईको लिगलिगे दौड शुरु,को बन्दैछ २६औं आइजीपी

नेपाल प्रहरीका आइजीपी प्रकाश अर्यालको कार्यकाल अन्तिम बन्दै छ । उनी अवकासको मुखमा पुगेका छन् । अर्यालको कार्यकाल सकिँदै गर्दा चार डिआइजीको रस्साकस्सी सुरु भएको छ ।

आन्तरिक रुपमा उनीहरु बिभिन्न शक्ती केन्द्र रिजाउन तल्लिन रहेको बुझिएको छ । एक नम्बरका डिआइजी सवेन्द्र खनाल,रमेश खरेल,पुस्कर कार्की र उत्तम कार्कीको दौडमा खनाल, खरेल र पुस्कर कार्की निकै कस्सिएको प्रहरी हेड क्वाटर स्रोतले जनाएको छ ।

३० वर्षे सेवाअवधि बढाएर ३२ गर्ने धुनमा लागेका १६ एआइजीहरुको सपना त्यतिबेला चकनाचूर बन्यो, जब अध्यादेश जारी गर्ने विषय तुहियो । प्रकाश अर्यालको कार्यकाल चैत २८ गतेसम्ममात्र हो । त्यसपछि को बेन्ला आइजीपी ?
सर्वेन्द्र खनाल, रमेश खरेल र पुष्कर कार्की ,या अर्का उत्तम कार्की : तीनमध्ये एकजना चैत २९ गतेदेखि २६औं आइजीपी बन्नेवाला छन् । यी तिनैजना उत्कृष्ठ छन्, सर्वोत्कृष्ठ बन्ने को होला रु यही जिज्ञासाले चर्चा बढाएको छ ।

पहिलो नम्बरका बरियताका सर्वेन्द्र खनाल स्मार्ट अफिसरमा गनिन्छन् । यिनै हुन् गुण्डाराज खत्तम पार्न कुमार घैंटेको इन्काउन्टर गर्ने अधिकृत । अनेक पेचिदा मुद्दाहरुलाई सफलतापूर्वक अनुसन्धान गर्ने अधिकारी पनि यिनै हुन् । अहिले यिनी ट्राफिक महाशाखा कमाण्ड गरिरहेका छन् ।

दोश्रोमा छन् रमेश खरेल । यी पनि नामुद प्रहरी मानिन्छन् । भ्रष्टाचार र अपराध भनेपछि यिनको रौं ठाडा हुन्छन् र जनस्तरबाटसमेत यिनको वाहवाही बेला बेलामा सुनिन्छ । यिनी जुन जुन क्षेत्रमा खटिए, त्यहाँ गुण्डागर्दीको दोहोलो काढे । हाल यिनी हेडक्वार्टरको सुरक्षा सेवाको कमाण्ड सम्हालिरहेका छन् ।

तेश्रो नम्बरका अधिकृत हुन् पुष्कर कार्की । यिनी महानगरीय अपराध महाशाखा हुँदै यतिबेला सिआइवीको जिम्मेवारुी सम्हालीरहेका छन् । दिनेश अधिकारी चरीजस्ता गुण्डाको इन्काउन्टरका योजनाकार कार्की निर्माण व्यवसायी शेरचनको हत्यारालाई पक्राउ गरेपछि बढी चर्चामा आएका हुन् ।

यी व्यवसायिक प्रहरी हुन् यद्यपि यिनी कांग्रेसी नेताहरुसँग बढी उठबस गर्ने अवगालमा परेका छन् । उता चौथो नम्बरमा रहेका उत्तम कार्की पनि प्रहरी संगठनमा कामका हिसावले इमान्दार क्षवी भएका प्रहरी अधिकारी हुन् । चार प्रतिस्पधी मध्ये खरेल बढि विवादीत मानिन्छन् ।

२०४५ फागुन १ का ब्याजे हुन् सर्वेन्द्र खनाल, रमेश खनाल र पुष्कर कार्की । उनीहरु होनहार प्रहरी हुन्, यिनलाई राजनीतिक हस्तक्षेपबाट मुक्त गर्ने हो भने संसारको प्रहरी सेवामध्ये उत्कृष्ठ र नेपाललाई अपराधमुक्त पार्न सक्षम छन् यिनीहरु ।

जब प्रश्न आउँछ, यी उत्कृष्ठबाट सर्वोत्कृष्ठको छनौटको । राजनीतिक, विश्लेषक, नागरिक समाज, प्रशासक सबैतिरबाट सर्वेन्द्र खनाल आइजीपी बन्न सक्छन् । २६औं आइजीपीका रुपमा सर्वेन्द्र खनाल आउने सम्भाबना यसकारण बढी देखिन्छ ।