सर्वाेच्चमा इजलाश सुरु नभए पछी केसीलाई एम्बुलेन्समै थुनियो,सर्वाेच्चमा उच्च सुरक्षा सर्तकता
अदालतको अपहेलना मुद्दामा बिहान साढे ८ बजे नै डा.गोविन्द केसीलाई सर्वाेच्च अदालतमा उपस्थित गराइएपनि ११ बजेसम्म उनको बयान सुरु हुन सकेको छैन। डा.केसीले स्वास्थ्यमा असहजता महशुस गरेपछि उनलाई एम्बुलेन्समा राखिएको छ।
सामान्यतया १० बजे नै इजलाश सुरु हुनेमा आज सवा ११ बज्दा पनि इजलाश सुरु हुन सकेको छैन। इजलाश संचालनका लागि दुई पटक सर्वाेच्चमा फुलकोट बसिसकेको छ।
डा.केसीलाई प्रहरीको एम्बुलेन्समै राखेर सर्वाेच्च अदालतमा पुर्याइएको थियो। उनलाई सर्वाेच्च परिसरमै रहेको एम्बुलेन्समा राखिएको छ। केही समयपछि उनको बयानको तयारी सर्वाेच्चको छ। त्यसपछि उनको मुद्दामा बसह सुरु हुने छ।
आईओएमको डिन नियुक्तिसम्बन्धि फैसलामा डा.केसीले दिएको प्रतिक्रियाले अदालतको अपहेलना गरेको भन्दै उनलाई सर्वाेच्चको आदेशमा सोमबार प्रहरीले पक्राउ गरेको थियो।
सर्वाेच्चमा उच्च सुरक्षा सर्तकता
डा.केसीलाई अदालतमा उपस्थित गराएपछि सर्वाेच्च अदालत परिसर भित्र र बाहिर उच्च सुरक्षा सर्तकता अपनाइएको छ। अदालत आसपासमा ठुलो संख्यामा प्रहरी खटाइएको छ। अदालत बाहिर सशस्त्र प्रहरी समेत परिचालन गरिएको छ। सर्वाेच्चमा प्रबेशमा समेत सामान्य दिनमा भन्दा कडाई गरिएको छ।
