पार्टी एकताका लागी एमाले-माओबादीका नेतालाई ओली निवाशमा निम्ता,आज ३ बजे बलकोटमा के-के हुदैछ?
पार्टी एकताको निर्णय भएको तीन महिना भन्दा बढी समयपछि एमाले–माओवादी केन्द्रका शीर्ष नेताहरु सम्मिलित पार्टी एकता संयोजन समितिको बैठक आज ३ बजे बस्दैछ।
बालकोटस्थित एमाले अध्यक्ष केपी शर्मा ओलीको निवासमा बैठक बोलाइएको हो। दुबै पार्टीले १७ असोजमा एकता संयोजन समितिको निर्माण गरेका थिए।
बैठकका लागि एमाले र माओवादी केन्द्रका शीर्ष नेताहरुलाई ३ बजे बालकोटस्थित ओली निवासमा पुग्न भनिएको छ। समितिमा एमालेका ४ र माओवादी केन्द्रका ३ नेता छन्।
एमालेबाट अध्यक्ष केपी शर्मा ओलीका अलवा पूर्व प्रधानमन्त्रीद्वय माधव नेपाल र झलनाथ खनालका अलावा महासचिव ईश्वर पोखरेल सदस्यका रुपमा छन्।
माओवादी केन्द्रबाट अध्यक्ष पुष्पकमल दाहाल ‘प्रचण्ड’ का अलावा बरिष्ठ नेताद्वय नारायणकाजी श्रेष्ठ र रामबहादुर थापा ‘बादल’ छन्
