प्रदेशको राजधानी तोक्न प्रधानमन्त्रीलाई राष्ट्रपतिको आग्रह,को प्रति पूर्वाग्रह राख्दै देउवाले यति सम्म गरे?
हेमराज निरौला
राष्ट्रपति विद्यादेवी भण्डारीले जनतालाई सहज हुनेगरी प्रदेशको अस्थायी राजधानी तोक्न सरकारसँग आग्रह गरेकी छन्।
प्रदेश प्रमुखको नियुक्ति र अस्थायी राजधानी तोक्ने विषयमा औपचारिक जानकारी गराउन सोमबार बिहान राष्ट्रपति भवन शीतल निवास पुगेका प्रधानमन्त्री देउवालाई राष्ट्रपति भण्डारीले संविधानको परिधिभित्र रहेर आफ्नो काम–कारबाहीलाई अघि बढाउन आग्रह गरेकी हुन्।
जनतालाई सहज हुनेगरी प्रदेशको अस्थायी राजधानी तोक्न राष्ट्रपतिले सुझाव दिएको प्रधानमन्त्रीका प्रेस सल्लाहकार गोविन्द परियारले बताए। सो क्रममा राष्ट्रपति भण्डारीले सरकारका हरेक निर्णय जनतालाई सहज हुनेगरी आउने विश्वास समेत व्यक्त गरिन्।
प्रधानमन्त्री देउवाले सम्बन्धित प्रदेशसभाले मात्रै प्रदेशको राजधानी तोक्न पाउने संवैधानिक व्यवस्था रहेको भन्दै हाललाई अस्थायी राजधानी तोक्ने तयारी मात्र गरेको जानकारी गराए।
भेटमा प्रधानमन्त्री देउवाले राष्ट्रियसभाको निर्वाचनको तयारीबारे पनि राष्ट्रपतिलाई औपचारिक जानकारी गराएका थिए
