४० लाख रुपैयाँ हिनामिना गर्ने सिभिल बैंकका कर्मचारी पक्राउ
प्रहरीले बैंकको रकम दुरुपयोग गरेको आरोपमा सिभिल बैंक बौद्ध शाखाका एक कर्मचारीलाई पक्राउ गरेको छ । नेपाल प्रहरीको केन्द्रिय अनुसन्धान व्यूरोको टोलीले सिभिल बैंकको बौद्ध शाखामा कार्यरत महेश्वर डंगोललाई पक्राउ गरेको हो ।
डंगोलले ४० लाख रुपैयाँभन्दा बढी रकम हिनामिना गरेको देखिएपछि बैंकले अनुसन्धानका लागि प्रहरीलाई गुहारेको ब्युरोले जनाएको छ । पक्राउ गरिएका कर्मचारी डंगोललाई बैंकिङ कसुर मुद्दामा कारबाही अघि बढाएको सीआईवीले जनाएको छ ।
