बाम गठबन्धन तोड्न भारत सक्रिय हुदै गर्दा पूर्व राजा ज्ञानेन्द्रले नेपाल छोडे,भारत पुगेका उनले कस्तो खिचडी पकाउने भए?

पूर्व राजा ज्ञानेन्द्रले भारतीय राज्य उत्तर प्रदेशको लखनउ पुगेका छन्। पूर्व राजाको लखनउ भ्रमण व्यापारिक तथा धार्मिक प्रयोजनका लागि हुने स्रोतहरुले बताएका छन्।

नेपालगञ्जस्थित सोल्टी होटलका लगानीकर्ता समेत रहेका पूर्वराजाले लखनउ बसार्इंका क्रममा होटलका ग्राहक बृद्धिका लागि ब्यापारी लगायतसँग छलफल गर्नेछन्।
त्यसबाहेक लखनउमा रहेका धार्मिक पीठहरुमा पूजाआजापनि गर्नेछन्। उनको साथमा पत्नी कोमल, छोरी प्रेरणा लगायत छन्।
१३ पुषमा मध्य तथा सुदुर पश्चिमको भ्रमणका लागि नेपालगञ्ज पुगेका पूर्व राजा नेपालगञ्जबाटै भारतीय शहर नेपालगञ्ज पुगेका हुन्।

उत्तर प्रदेशमा हिन्दूवादी भारतीय जनता पार्टी (भाजपा) को सरकार छ र मुख्यमन्त्रीमा गोरखनाथ पीठका पीठाधीस आदित्यनाथ छन्।

मुख्यमन्त्री आदित्यनाथसँग उनको भेट हुन्छ वा हुँदैन, त्यो बताइएको छैन। तर आदित्यनाथले चाहे भेट हुनसक्ने स्रोतहरुको दावी छ।
‘मर्यादाक्रमका कारण पूर्व राजा आफै भेट्न जाने कुरा भएन’ स्रोतले भन्यो, ‘आदित्यनाथ आफैले गए भने चाहिँ उहाँले भेट नदिने कुरा छैन।’