भोली ओली र प्रचण्डले पार्टी एकताको वार्तालाई वारपार पार्ने,निर्णायक वार्तामा के-के पार लाग्दैछ



नेकपा माओवादी र एमालेबीचको एकतालाई टुंगो लगाउन एमाले अध्यक्ष केपी शर्मा ओली र पार्टी अध्यक्ष पुष्पकमल दाहाल प्रचण्डवीच निर्णायक वार्ता हुने भएको छ।

निर्णायक वार्ताका लागि प्रचण्ड शनिबार नै राजधानी आउने कार्यक्रम छ। माओवादी र एमालेबीचको एकता अन्योल परिरहेका बेला दुवैतिरको पहलमा शीर्ष नेतृत्वबीच निर्णायक वार्ता हुन लागेको हो। स्वास्थ्यको कारण देखाउँदै केही दिनदेखि ओली निवासमै आराम गरिरहेका छन्।

ओली र प्रचण्डबीचको बालकोट वार्तापछि एकता प्रकियालाई तीव्रता दिने भनिए पनि शीर्ष तहमा न्यूनतम समझदारी नहुँदा संयोजन समितिले समेत प्रभावकारी रुपमा काम गर्न सकेको छैन।

नेकपा माओवादी केन्द्रका नेता नारायणकाजी श्रेष्ठले शनिबार निर्णायक वार्ता हुने र त्यसका लागि दुवैतर्फबाट आन्तरिक गृहकार्य भइरहेको जानकारी दिएका छन्। शीर्ष वार्तापछि आइतबार नै एकता संयोजन समितिको बैठक बोलाउने तयारी भइरहेको छ।

खासगरी पदीय व्यवस्थापन तथा शक्ति बाँडफाँट कुरा नमिल्दा एकता प्रकिया अघि बढ्न सकेको छैन। प्रधानमन्‍त्रीमा स्वभाविक दाबी गरिरहेको एमाले सकेसम्म पार्टी अध्यक्ष पनि छोड्न तयार छैन। तर माओवादीले पार्टी अध्यक्ष र प्रधानमन्‍त्रीमध्ये एक रोज्नुपर्ने विकल्प अघि सार्दै एकताको प्याकेज टुंगो लगाएर मात्रै सरकारमा जाने अडानमा अडिएको छ। त्यसैगरी राष्ट्रपतिमा एमाले र माओवादी दुवैको दाबी छ।

एमालेभित्र पनि राष्ट्रपतिबारे एकमत छैन। ओली अहिलेकै राष्ट्रपतिलाई दोहोर्‍याउन चाहान्छन् भने माधव नेपाल, झलनाथ खनाललगायतका नेताहरु यसको विपक्षमा छन्। राष्ट्रप्रमुजस्तो पदमा एउटै पात्रलाई दोहोर्‍याउँदा गलत सन्देश जाने र यसले गलत परम्परा बस्ने उनीहरुको भनाइ छ। एमालेका पू्र्व अध्यक्ष तथा पूर्वप्रधानमन्‍त्री खनाल यसका लागि इच्छुक छन्। माधव नेपाल ओली र प्रचण्डलाई मिलाएर एकीकृत पार्टीको अध्यक्ष हुने दाउमा छन्।

अरु महत्वपूर्ण पद तथा सरकारको हिस्सेदारीमा एमाले र माओवादीबीच समझदारी जुट्न सकेको छैन। पहिले सरकार गठन गरेर विस्तारै पार्टी एकता गर्ने र दुवैतर्फ कब्जा जमाउने ओली टिमको रणनीतिबाट झस्किएको माओवादीले विकल्प खोजी गर्न थालेपछि पछिल्लो समय ओलीले नै एकताका लागि बढी सक्रियता देखाएका छन्।

प्रतिक्रिया दिनुहोस
खानेपानी बोर्डले ऐन संशोधनका लागि अघि सारेको प्रस्तावलाई संसदबाट पास गराउँछु : मन्त्री यादव

     खानेपानी मन्त्री प्रदीप यादवले काठमाडौँ खानेपानी व्यवस्थापन बोर्डले आवश्यक ऐन संशोधनका

न्यूरोडमा काठमाडौं महानगर र स्थानीयवासीबीच तनाव

    न्यूरोडमा काठमाडौं महानगर र स्थानीयवासीबीच उत्पन्न भएको तनाव अझै साम्य भएको

प्रचण्ड, माधव र रविबीच भेटवार्ता

    नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एसका अध्यक्ष माधव

सम्पन्न भएको आयोजना भुक्तानी रोकिँदैन : अर्थमन्त्री पौडेल

    उपप्रधान एवं अर्थमन्त्री विष्णुप्रसाद पौडेलले निर्माण क्षेत्रका समस्याको आगो तापेर नबस्ने