एमाले सांसदलाई हृदयघात

प्रतिनिधिसभा सदस्यमा नेकपा एमालेबाट स्याङ्जा क्षेत्र नं १ मा निर्वाचित नारायणप्रसाद मरासिनीलाई हृदयघात भएको छ ।

बुधबार दिउँसो हृदयघात भएपछि उनलाई पोखरास्थित मणिपाल अस्पताल लगिएको थियो। सामान्य उपचारपछि मरासिनीलाई बिहीबार बिहान हेलिकोप्टरबाट काठमाडौं ल्याइएको छ ।

मरासिनीको काठमाडौ बाँसबारीस्थित गंगालाल हृदयरोग केन्द्रमा उपचार भइरहेको छ । अस्पताल स्रोतका अनुसार उनको अवस्था सामान्य देखिन्छ र थप परीक्षण भइरहेको छ ।