निर्वाचनको समिक्षा गर्न राप्रपा केन्द्रीय समिति बैठक बस्दै
निर्वाचनको समिक्षा गर्न र आगामी रणनीति बनाउन राप्रपाको केन्द्रीय समिति बैठक बुधबार बस्दैछ । प्रवक्ता भुवन पाठककाअनुसार प्रदेश र प्रतिनिधिसभा निर्वाचनको समिक्षा नै बैठकको मुख्य एजेण्डा छ ।
अध्यक्ष कमल थापाले निर्वाचनमा हार व्यहोर्नुको कारणसहित समिक्षात्मक प्रतिवेदन बैठकमा पेश गर्ने कार्यसूची छ । अघिल्लो संसदमा राप्रपाका २५ सांसद रहेपनि प्रतिनिधिसभा निर्वाचनबाट एक सिटमा खुम्चिएको छ ।
मध्यान्ह बस्ने बैठकमा महामन्त्रीले पेश गर्ने संगठनात्मक र कोषाध्यक्षले पेश गर्ने आर्थिक प्रतिवेदनमा पनि छलफल हुनेछ ।
फागुन दोस्रो साता वीरगञ्जमा बस्ने केन्द्रीय परिषद बैठकबारे पनि छलफल हुने बताइएको छ ।
