कृषि विकास बैंकको लाभांश घोषणा, सेयरधनीले पाउने भए २० प्रतिशत बोनस सेयर
कृषि विकास बैंकले गत वर्षको मुनाफाबाट लाभांश घोषणा गरेको छ। बैंकले गत आर्थिक वर्षको मुनाफाबाट २० प्रतिशत बोनस सेयर र कर प्रयोजनका लागि १.०५३ प्रतिशत नगद लाभांश दिने जनाएको छ।
कम्पनीले घोषणा गरेको लाभांश नेपाल राष्ट्र बैंक र साधारणसभाबाट पारित भएपछि सेयरधनीले पाउने छन्।
चालु आर्थिक वर्षको पहिलो त्रैमासिक वित्तीय विवरण अनुसार हाल कम्पनीको साधारण शेयर सात अर्ब आठ करोड रुपैयाँ रहेको छ। प्रथम त्रैमासमा कम्पनीले ३६ करोड रुपैयाँ खुद मुनाफा आर्जन गरेको छ।
