एमालेको दाह्रा किटाउदै देउवा सरकारले बिहिबार उल्का बर्साउने यस्तो निर्णय गर्दै,ओलीले देउवालाई सरापे पनि सात भाईको भाग्य चम्काउने
सरकार आगामी बिहीबार (पर्सी) प्रदेश प्रमुख र राजधानी तोक्ने गरि तयारी थालेको छ । बिहीबार बस्ने मन्त्रिपरिषद्को बैठकले सातै प्रदेशको प्रमुख तोक्ने गरि तयारी भइरहेको प्रधानमन्त्री नकिट स्रोतले जनाएको छ ।
‘अब ढिलाइ गर्नुहुँदैन भन्नेमा छौँ । यसका लागि प्रधानमन्त्री छलफल गर्दै हुनुहुन्छ,’ वाणिज्यमन्त्री मीन विश्वकर्माले भने, ‘बिहीबार बस्ने मन्त्रिपरिषद् बैठकले प्रदेश प्रमुख र उनीहरू बस्ने केन्द्र पनि तोक्छ ।’ प्रधानमन्त्रीका प्रेस संयोजक गोविन्द परियारले प्रमुख तोक्ने तयारी भइरहेको जानकारी दिए ।
सरकारले प्रदेश सभा प्रमुखमा समाजमा ख्यातिप्राप्त व्यक्तिहरूलाई तोक्ने तयारी गरी केही नाममा छलफल पनि गरेको थियो । तर, चर्चामा ल्याइएका त्यस्ता व्यक्तिहरूले नै इच्छा नदेखाएपछि सरकारले फेरि पार्टीनिकटकै प्रतिष्ठित व्यक्तिलाई बनाउने तयारी गरेको प्रधानमन्त्रीनिकट स्रोतको भनाइ छ ।
‘पहिले पार्टीनिकट मात्रै भन्दा पनि समाजमा प्रतिष्ठितलाई बनाउने तयारी थियो,’ प्रधानमन्त्रीनिकट स्रोतले भन्यो, ‘तर, उनीहरू सबैले इच्छा देखााएनन् । प्रदेश प्रमुखका लागि यसअघि केदारभक्त माथेमा, भोजराज पोखरेल, दोलखबहादुर गुरुङ, विद्याधर मल्लिक, विमल कोइराला, तीर्थमान शाक्य, दामोदर गौतम, भोजराज घिमिरे, कृष्ण ज्ञवाली, शान्तबहादुर श्रेष्ठ, शान्तराज सुवेदीसहितको चर्चा थियो ।
दलहरूबीच विवाद भएपछि उनीहरूले इच्छा देखाएका थिएनन् । ‘क्रिया–प्रतिक्रिया भएपछि पहिलेका नाम रोकिएको र फेरि गृहकार्य भइरहेको कांग्रेस नेता बालकृष्ण खाणले जानकारी दिए । शीर्ष तह, कानुनविद्, प्राज्ञिक व्यक्तित्वसँग छलफल गरेर सबैले स्वीकार गर्ने समाजका प्रतिष्ठित मानिसहरूलाई नै प्रमुख बनाउने गरी तयारी भएको उनले बताए ।
बिहीबार प्रदेश प्रमुख तोक्ने भनिए पनि अहिले सम्म सरकारकाले एमाले र माओवादी केन्द्रका शीर्ष नेताहरुसंग छलफल गरेको छैन् । एमाले र माओवादीले आफूहरुसंग छलफल नगरि सकारले गर्ने नियुक्ति अमान्य हुने बताउदै आएका छन् ।
सरकारले बिना छलफल प्रदेश प्रमुख तोक्ने तयारी गरेपछि एमाले आक्रोशित बनेको छ । सरकारको निर्णय अस्विकार गर्ने उसले चेतावनी दिएको छ । सरकारले एकलौटी ढङ्गले निर्णय गरेर प्रदेश प्रमुख तोके एमालेले कुनै हालतमा नमान्ने एमाले उपाध्यक्ष भिम रावलले बताए ।
यसकारण छिटै तोक्नुपर्छ प्रदेश प्रमुख
निर्वाचन आयोगले प्रदेश सभा निर्वाचनको प्रतिवेदन प्रदेश प्रमुखलाई बुझाउनुपर्ने कानुनी व्यवस्था छ । प्रदेश प्रमुखले प्रतिवेदन पाएको २० दिनभित्र प्रदेश सभाको पहिलो अधिवेशन बोलाउनुपर्छ । प्रदेश प्रमुखले प्रदेश सभा सदस्यलाई शपथग्रहण गराउँछन् । शपथग्रहण गरेपछि मात्र राष्ट्रिय सभा सदस्यका लागि प्रदेशका सदस्यले मतदान गर्न पाउँछन् ।
बिहीबार नै राष्ट्रिय सभा निर्वाचनको मिति घोषणा हुने
बिहीबार बस्ने मन्त्रिपरिषद्को बैठकले राष्ट्रिय सभा निर्वाचनको मिति घोषणा गर्ने भएको छ । निर्वाचन आयोगसँग परामर्श भएपछि राष्ट्रिय सभा निर्वाचनको मिति बिहीबार नै तोक्ने तयारी भइरहेको प्रधानमन्त्रीका प्रेस संयोजक गोविन्द परियारले जानकराी दिए ।
‘निर्वाचन आयोगका पदाधिकारीले राष्ट्रिय सभाको निर्वाचन गर्ने मितिका लागि छलफल गरेर दिन सजेस्ट गर्छौँ भन्नुभएको छ । आयोगसँगको परामर्शअनुसार तीन–चार दिनभित्र मिति तोक्ने भन्ने भएको छ,’ परियारले भने ।
