एमालेसँग एकताको प्रस्ताव तयार गर्न आज माओवादी वैठक बस्दै
माओवादी केन्द्रको केन्द्रिय कार्यालय बैठक आज बस्दैछ । मुलुकको पछिल्लो राजनीतिक अवस्था, नेकपा एमालेसँगको पार्टी एकता लगायतका विषयमा छलफल गर्न माओवादी केन्द्रले बैठक बोलाएको हो ।
दिउसो अध्यक्ष पुष्पकमल दाहालको निवास खुमलटारमामा बस्ने बैठकमा मुलुकको पछिल्लो राजनीतिक अवस्था, पार्टी एकताको विषयमा भइरहेको प्रयास तथा त्यसको तयारीका बारेमा छलफल हुने नेताहरुले जानकारी दिएका छन् ।
पछिल्लो दिनमा पार्टी एकताको विषयमा ठोस निर्णय र अवधारणा अगाडि नआएको बेला माओवादी बैठक बस्न लागेको हो ।
