मंगलबार भेट्ने साइत नजुरेको प्रचण्ड र ओलीको भेट हुने यस्तो छ आजको साइत,कति बजे कहाँ भेट्दैछन्?
मंगलबार अनिश्चयमै टुंगिएको नेकपा (एमाले) अध्यक्ष केपी शर्मा ओली र नेकपा (माओवादी केन्द्र)का अध्यक्ष पुष्पकमल दाहालको भेट वार्ता बुधबार हुने सम्भावना बढेर गएको छ ।
स्रोतहरूले बुधबार ओली-दाहालबीच भेटवार्ता हुने बताएका छन् । श्रोतका अनुसार ललितपुरमा एक ब्यापारीको घरमा ओली र प्रचण्डले ५ बजे भेट गर्दैछन् ।
राष्ट्रिय सभा गठन, सरकार गठन लगायतका विविध विषयमा केन्द्रित हुने भएकाले यो भेटलाई महत्वका साथ लिइएको छ ।
केही समयदेखि वाम गठबन्धनका शीर्ष नेताहरूबीच भेटघाट सम्म पनि नहुँदा गठबन्धनकै भविष्यबारे अनेक अड्कलबाजी हुन थालेको छ।
