नेप्से ९ महिना यता कै न्यून बिन्दुमा, २० अंकले घट्दा ५४ करोडको सेयर कारोवार !
साताको तेस्रो दिन आज बजार परिसूचक नेप्से दोहोरो अंकले घटेको छ । आज नेप्से सूचक २०.६४ अंकले घटेर १४४७.०४ को बिन्दुमा पुगेर रोकिएको छ । यो ९ महिना यता कै न्यून बिन्दु हो ।
यस दिन १५९ कम्पनीको ५४ करोड २ लाख ९१ हजार १ सय ४४ रुपियाँको कारोबार भएको छ । बैंकिङ १८, व्यापार ४, होटल २३, विकास बैंक ३६, जलविद्युत ३६, फाइनान्स १६, बिमा १३८, उत्पादन ३० र माइक्रोफाइनान्स उपसूचक ३२ अंकले ओर्लिएका छन्।
आज कारोबारमा आएका अन्य समुह बाहेकका सबै समुहगत सूचक घटेका छन् ।
आज स्ट्याण्डर्ड चार्टर्ड बैंकको सबै भन्दा धेरै ८ करोड ३३ लाख बराबरको कारोबार भएको छ । अन्य बढी कारोबार हुनेमा नेपाल टेलिकम, एभरेस्ट बैंक, चिलिमे हाइड्रो, नेपाल बैंक लगायत रहेका छन् ।
आज महुली लघुवित्तका लगानीकर्ताले सर्बाधिक १० प्रतिशत कमाएका छन् भने प्रोग्रेशिभ फाइनान्सका लगानीकर्ताले सर्बाधिक ६.७ प्रतिशत गुमाएका छन् ।
