काठमाडौं महानगरपालिकाको मेयर र उपमेयरबीच यसरी चर्कियो विवाद !
काठमाडौं महानगरपालिकाकी उपमेयर हरिप्रभा खड्गीले पूरातत्व विभागको स्विकृतिविना नै मेयर विद्यासुन्दर शाक्यले रानीपोखरीमा कंक्रिट संरचना बनाउन सुरु गरेको आरोप लगाएकी छिन् ।
मंगलबार रानीपोखरी पुनर्निर्माणको अवलोकनपछि सञ्चारकर्मीहरुसँग कुरा गर्दै उपमेयर खड्गीले विज्ञहरुसँग छलफल गरेर मात्रै रानीपोखरी पुनर्निर्माणको काम अघि बढ्ने बताइन् । उनले भनिन्, ‘हिजो मात्र म एउटा कार्यक्रममा गएँ, त्यहाँ मैले बुझे कि पुरातत्वको स्वीकृति विना बनेको रहेछ ।’
रानीपोखरी पुनर्निर्माणबारे मेयर विद्यासुन्दर शाक्यले आफूसँग परामर्श समेत गर्न नचाहेको उनको आरोप छ ।
