पार्टी एकता र नयाँ सरकार गठनबारे ओली र प्रचण्डबीच भेटवार्ताको तयारी 

पार्टी एकता र नयाँ सरकार गठनबारे छलफल गर्न नेकपा एमाले र माओवादी केन्द्रका शीर्ष नेताहरु मंगलबार छलफलमा जुट्दैछन् ।

एमाले अध्यक्ष केपी शर्मा ओली र माओवादी अध्यक्ष प्रचण्डबीच भेटवार्ता भएपछि संयुक्त बैठक बस्ने तयारी गरिएको स्रोतले बतायो ।

प्रचण्ड गृहजिल्ला चितवनबाट राजधानी फर्किएपछि एमाले अध्यक्ष ओलीसँग भेटवार्ता गर्ने कार्यक्रम छ ।

त्यसपछि पार्टी एकता संयोजन समितिको बैठक बस्ने तयारी गरिएको छ । तर भेटवार्ता र बैठकको समय तय नभएको ओलीका प्रेस संयोजक चेतन अधिकारीले जानकारी दिएका छन् ।