अध्यादेशका बारेमा कुरा गर्न राष्ट्रपतिले बोलाईन्, फोरम र राजपाका नेतालाई शितलनिवास
राष्ट्रियसभा गठन सम्बन्धी अध्यादेशलाई लिएर दलहरुबीच विवाद बढेपछि राष्ट्रपति विद्यादेवी भण्डारीले राजनीतिक परामर्शलाई तीब्र पारेकी छन् । अध्यादेश प्रमाणिकरणको विषयमा प्रमुख दलहरुसँग यसअघि नै परामर्श गरेकी उनले आइतबार संघीय समाजवादी फोरम नेपाल र राजपा नेपालका शीर्ष नेताहरुसँग परामर्श गर्न लागेकी हुन् ।
परामर्शका लागि फोरम अध्यक्ष उपेन्द्र यादवलाई बिहान १० बजे राष्ट्रपति कार्यालय शितल निवासमा बोलाएको बताइएको छ । फोरमसँग परामर्श गरिसकेपछि राजपा नेपालका नेताहरुसँग परामर्श गर्ने राष्ट्रपतिको तयारी छ ।
राष्ट्रपति भण्डारीले यसअघि कांग्रेस, एमाले र माओवादीका शीर्ष नेताहरुसँग परामर्श गरेकी थिइन् । उनले अध्यादेशमा राजनीतिक सहमति जुटाउन आह्वान गर्दै आएकी छन् ।
