बालुवाटार बैठकमा जुटेन सहमति,२ दल एकातिर ३ दल अर्कातिर,अब के हुन्छ अध्यादेश?
राष्ट्रियसभा निर्वाचन सम्बन्धी अध्यादेशको विषय पेचिलो बन्दै जाँदा आज बालुवाटारमा बसेको पाँच दलको बैठकमा कुनै सहमति जुट्न सकेन।
माओवादी केन्द्रका नेता नारायणकाजी श्रेष्ठले दलहरुबीच सहमति जुट्न नसकेको बैठकपछि सञ्चारकर्मीलाई बताए।
५ दलका शीर्ष नेताहरु सम्मिलित बैठकमा प्रधानमन्त्री तथा नेपाली कांग्रेस सभापति शेरबहादुर देउवाले राष्ट्रपतिसम्म पुगिसकेको अध्यादेशलाई पारित गर्नका लागि सघाउन अन्य दलसमक्ष आग्रह गरेका थिए।
नेकपा एमाले र माओवादी केन्द्रका नेताहरुले भने सो अध्यादेश फिर्ता लिई सहमतिमा अर्को अध्यादेश लैजान आग्रह गरेका थिए।
कांग्रेस नेता रामचन्द्र पौडेलले राष्ट्रियसभा गठन नभईकन प्रतिनिधिसभाले पूर्णता नपाउने सञ्चारकर्मीलाई बताए।
विवाद समाधानका लागि छलफललाई निरन्तरता दिने बैठकबाट बाहिरिएका नेताहरुले बताएका छन्।
प्रकाशित मिति : ७ पुस २०७४, शुक्रबार ०७ : ३१ बजे
