झिनो अंकले घट्यो बजार, पौने ५७ करोडको सेयर कारोवार

साताको दोस्रो दिनको सेयरबजार झिनो अंकले ओरालो लागेपनि कारोबार रकममा भने सुधार आएको छ । आज नेप्से परिसूचक ०.८९ अंकले घटेर १५०८.२५ अंकमा ओर्लिएको हो। क बर्गका कम्पनीहरुको कारोबार मापन गर्ने सेन्सेटिभ इन्डेक्स ०.२७ अंकले घटेर ३१७.८० अंकमा झरेको छ।

सोमबार १६३ कम्पनीका १२ लाख २५ हजार कित्ता शेयर ५६ करोड ८३ लाख रुपैयाँमा खरिद बिक्री भयो। सबैभन्दा बढी स्ट्याण्डर्ड चार्टड बैंकको तीन करोड २० लाख रुपैयाँको कारोबार भयो।

उपसूचक मिस्रित देखिएका छन्। १० समूहको कारोबारमा ६ समूह बढेका छन् भने चार समूह घटेको छ। बैंक ०.२३, विकास बैंक ०.७१, बीमा ०.३३ र लघुवित्त ०.११ प्रतिशतले घटेका छन्। ट्रेडिङ ०.३६, होटल ०.११, जलबिद्युत ०.६६, फाइनान्स ०.४४, उत्पादनमूलक ०.८४ र अन्य ०.९५ प्रतिशतले बढेका छन्।

प्रोग्रेसिभ फाइनान्स कम्पनीका शेयरधनीले सबैभन्दा बढी सात प्रतिशत कमाएका छन्। ललितपुर फाइनान्सका शेयरधनीले आठ प्रतिशत गुमाए।