नयाँ सरकार गठन र पार्टी एकता सँगसँगै गर्ने निर्णय गर्दै माओबादीको बैठक सकियो,अब ओली प्रधानमन्त्री प्रचण्ड अध्यक्ष



नेकपा माओवादी केन्द्रले नयाँ सरकार गठन र पार्टी एकता सँगसँगै गर्ने निर्णय गरेको छ।
पार्टी कार्यालय पेरिसडाँडामा सोमबार भएको माओवादी केन्द्रको सचिवालय बैठकले सरकार गठन र पार्टी एकता एकसाथ गर्ने निर्णय गरेको हो।

वामपन्थीबीच एकता गर्नेगरी प्रदेश र प्रतिनिधिसभा निर्वाचनमा वाम गठबन्धन गरेर जाँदा मतदाताले त्यसलाई अनुमोदन गरेको बैठकको निष्कर्ष छ। निर्वाचनमा जनमत पार्टी एकता गर्ने लाइनमा आएको भन्दै सरकार र पार्टी एकता एकसाथ गर्ने निर्णय भएको माओवादी केन्द्रकी प्रवक्ता पम्फा भुसालले जानकारी दिइन्।

उनका अनुसार, सरकार र पार्टी एकता सँगसँगै टुंग्याउँदै त्यसपछि जिम्मेवारी बाँडफाँट गर्ने निर्णय भएको छ।
बैठकमा माओवादी नेताहरुले भने सरकार गठन अगाडि नै पार्टी एकता टुंग्याउन जोड दिएका थिए।

‘विचार संगठन र नेतृत्वको विषय सुरूमै टुंग्याउनुपर्ने कुरा भएको छ’, प्रवक्ता भुसालले भनिन्।
बैठकले प्रदेश र प्रतिनिधिसभाको निर्वाचन सम्पन्न गरेकोमा निर्वाचन आयोग र सरकारलाई धन्यवाद दिएको छ।
यस्तै, राष्ट्रिय सभा गठन सम्बन्धी विवाद राजनीतिक विवाद भएको भन्दै यसलाई यसलाई राजनीतिक तहबाटै छलफल गरेरर समाधान गर्नुपर्ने माओवादीले जनाएको छ।
चुनावी समीक्षा, नयाँ सरकार गठन र पार्टी एकताबारे छलफल गर्न माओवादीले सचिवालय बैठक बोलाएको हो।

यता नेकपा एमालेका उपाध्यक्ष भीम रावलले एमाले र माओवादी केन्द्रवीच एकता र सरकार गठनबारे आन्तरिक छलफल सुरु भैरहेकोले सहमतिमै सबै कुरा टुँगो लगाउने विश्वास दिलाए । उनले भने,‘दुवै पार्टीका नेताहरु केपी शर्मा ओली र पुष्पकमल दाहाल प्रचण्डलाई एउटालाई प्रधानमन्त्री र अर्कोलाई अध्यक्ष बनाएर पार्टी एकता हुन्छ।’

प्रतिक्रिया दिनुहोस
निगमभित्र पाइलटको मनोमानी, क्यानले छानवीन गर्दै

    नेपाल वायू सेवा निगमको कर्मचारी पदोन्नतीमा व्यक्तिगत मोलाहिजा र भेदभाव भएको

प्रधानमन्त्रीसँगै मन्त्रिपरिषदलाई पुर्णता दिएर सरकारलाई फूल गियरमा कुदाउने तयारी

    आइतवार नयाँ सरकार गठनको गृहकार्यमा जुटेका नेपाली कांग्रेस र नेकपा एमालेले

कांग्रेसबाट ५ जना मन्त्रीको नाम टुंगियो

    कांग्रेस सभापति शेरबहादुर देउवाले पार्टीका एमाले अध्यक्ष केपी शर्मा ओलीले नेतृत्वको

केपी शर्मा ओलीलाई आइतबार प्रधानमन्त्रीमा नियुक्त गर्ने

    राष्ट्रपति रामचन्द्र पौडेलले नेकपा एमालेका अध्यक्ष केपी शर्मा ओलीलाई आइतबार प्रधानमन्त्रीमा