ओलीले देउवालाई यसरी दिए सत्ता छोड्दाको आफ्नै उदाहरण
आइतबार राजधानीको दरबारमार्गमा आयोजित वाम गठबन्धनको संयुक्त पत्रकार सम्मेलनमा बोल्दै
ओलीले देउवालाई सत्ता छोड्न गाह्रो भएको आरोप लगाए।
उनले आफूले सरकार छोड्दा नयाँ सरकारको गठनसम्बन्धी व्यवस्था नै नभएपनि राष्ट्रपतिमार्फत बाधा अड्काउ फुकाउ आदेश जारी गरेर नयाँ सरकार गठनको मार्ग प्रशस्त गरेको बताए।
‘म सम्झाउन चाहन्छु, मैले सरकार छोड्दा नयाँ सरकार गठन हुने व्यवस्था नै थिएन, राष्ट्रपतिमार्फत् बाधा अड्काउ फुकाएर नयाँ सरकारलाई मार्गप्रशस्त गरेको थिएँ,’ ओलीले भने, ‘अहिले चुनावपछि पनि प्रधानमन्त्री परामर्शका नाममा अस्पष्टता बढाइरहनु भएको छ।’
उनले सरकार संविधानको अपव्याख्या गरेर अस्पष्टता सिर्जना गरेको आरोपसमेत लगाए।
