अब ४ जिल्लाको १७ लाख समानुपातिक मत गन्न बाँकी
मंसिर १० र २१ गते भएको निर्वाचनको समानुपातिक तर्फको ७३ जिल्लाको मतगणना सकिएको छ। प्रत्यक्षतर्फको मत गणना भने मंलगबार सकिएको छ।
आयोगले आज एक प्रेस विज्ञप्ती जारी गर्दै अब ४ जिल्लाको मतगणना जारी रहेको जनाएको छ।
सुनसरी क्षेत्र नम्बर २ र ३, सर्लाहीको क्षेत्र नम्बर २ र ३, सुर्खेतको क्षेत्र नम्बर १ र कैलालीको क्षेत्र नम्बर १ मा मतगणना जारी रहेको विज्ञप्तीमा जनाइएको छ।
८८ लाखभन्दा बढी मतगणना भइसकेको पनि आयोगले जनाएको छ।
समानुपातिक तर्फको मतगणनामा नेकपा एमालेले अग्रता लिइरहेको छ। उसलाई नेपाली कांग्रेसले पछ्याइरहेको छ।
प्रकाशित मिति : २९ मंसिर २०७४, शुक्रबार ०८ : ४७ बजे
