नेपालद्वारा म्यानमार ३ सय ३७ रनले पराजित
एसीसी यु–१६ इस्टर्न रिजन क्रिकेट प्रतियोगिता अन्तर्गत समूह चरणको अन्तिम खेलमा नेपालले म्यानमारलाई ३ सय ३७ रनको फराकिलो अन्तरले पराजित गरेको छ । थाइल्याण्डमा जारी प्रतियोगिताको समूह चरणका तीनै खेलमा जित हात पारेको नेपाल समूह विजेता बनेको छ।
बिहीबार नेपालले टस जितेर ब्याटिङ गर्दै निर्धारित ३५ ओभरमा ६ विकेट गुमाउँदै ३ सय ५० रनको विशाल योगफल खडा गरेको थियो । नेपालका लागि कप्तान रीत गौतमले शतक प्रहार गर्दा तृतराज दास र प्रतिस जिसीले शानदार अर्धशतक बनाए ।
जवाफी ब्याटिङमा उत्रिएको म्यानमारले १२ औं ओभरमा सबै १० विकेट गुमायो । नेपालका लागि नारायण जोशी र मेख थापाले ४/४ विकेट लिए ।
नेपालले सेमिफाइनलमा मलेसियाको सामना गर्नेछ ।
