राजेन्द्र पाण्डे यसरी बन्दैछन तीन नम्बर प्रदेशको मुख्यमन्त्री
प्रतिनिधिसभा र प्रदेशसभा निर्वाचनको मत परिणाम सार्बजनिक भए संगै मुख्यमन्त्रीको चर्चा पनि बढेको छ । देशकै राजधानी रहेको तीन नम्बर प्रदेशमा मुख्य मन्त्री को होला भन्ने सबैमा चासो परेको छ । वामपन्थी गठबन्धनको राम्रो प्रभाव रहेको प्रदेश नम्बर ३ मा मुख्य दलहरुले भावी मुख्यमन्त्रीको रुपमा बिभिन्न नेतालाई प्रदेशसभातर्फ उम्मेदवार बनाएका थिए । र प्रभाबशाली नेता हरुले जित हात परेका छन्।
पूर्वमन्त्री एवं एमाले नेता राजेन्द्रप्रसाद पाण्डेले धादिङबाट प्रदेशसभाको लागि ओजनदार मत पाएर मुख्य मन्त्री बन्ने लगभग पक्का जस्तै छ । उनी २०६४ को संविधानसभा बाहेक अरु सबै संसदीय भूमिकामा सक्रिय छन् । एमालेको प्रमुख सचेतकसमेत बनिसकेका पाण्डेलाई ३ नम्बर प्रदेशमा एमालेबाट मुख्यमन्त्री बनाउनु पर्ने आवाज जोडदार ढंगले उठ्न थालेको छ ।
तर एमाले उपाध्यक्ष अष्टलक्ष्मी शाक्य पनि काठमाडौंबाट प्रदेशसभा सदस्यका लागि बिजयी बनेपछि मुख्यमन्त्रीको दाबी गर्न थालेकी छिन। तर पार्टीले जनमत र इतिहासको कदरलाई ध्यान दिदा पाण्डेको विकल्प नभएको एमालेका अर्का उपाध्यक्षले बताए। जनतामा भिजेका र समन्वयकारी भूमिका निर्बाह गर्न सक्ने क्षमता भएका कारण मुख्य मन्त्रीमा पाण्डेको मात्र व्यक्तित्वले काम गर्ने र उनैलाई मुख्य मन्त्री बनाउन एमाले नेतृत्व समेत लागेकाले उनको विकल्प नभएको श्रोतको भनाइ छ।
