विजय जुलुस निकाल्ने क्रममा बारामा दुई पक्षबीच झडप
विजय जुलुस निकाल्ने क्रममा जिल्लाको पचरौता नगरपालिकामा दुई पक्षबीच झडप भएको छ ।
संघीय समाजवादी फोरम र नेपाली कांग्रेस कार्यकर्ताबीच बुधबार दिउँसो झडप हुँदा त्यहाँको स्थिति तनावग्रस्त बनेको हो । प्रहरीका अनुसार बाराको प्रतिनिधिसभा निर्वाचन क्षेत्र नं २ मा निर्वाचित फोरमका महासचिव रामसहायप्रसाद यादवलगायतको विजयी जुलुसमा सहभागीहरु प्रदेशसभातर्फका कांग्रेस उम्मेदवार मणिभूषणकुमार यादवको घर नजिक पचरौतामा पुग्दा झडप भएको हो । मणिभूषण संघीय फोरमका प्रदेशसभा सदस्यमा निर्वाचित बच्चा राउत अहिरका निकटतम प्रतिस्पर्धी हुन् ।
झडपले अशान्त बनेको पचरौतामा प्रहरीले दर्जनौं हवाई फायर र अश्रुग्यास प्रहार गरेको छ । झडपमा केही प्रहरी र स्थानीय घाइते भएका छन् ।
