सप्तरी ४ ‘क’मा एमाले विजयी
प्रदेश सभातर्फ सप्तरी क्षेत्र नं ४ ९‘क’मा वाम गठबन्धनका गोविन्दबहादुर न्यौपानेले १५ हजार ११३ मत ल्याएर विजयी हुनुभएको छ ।
मुख्य निर्वाचन कार्यालयले आज सार्वजनिक गरेको मतपरिणमअनुसार उहाँका निकटम प्रतिद्वन्द्वी नेपाली काँग्रेसका सीताराम साहले ११ हजार ३९५ मत प्राप्त गर्नुभयो । प्रदेश सभामा विजयी हुनुभएका न्यौपाने नेकपा एमाले सप्तरी जिल्ला अध्यक्ष हुनुहुन्छ ।
सप्तरी १ मा पूर्व सांसदलाई पराजित गर्दै डा यादव विजयी
प्रतिनिधिसभातर्फ सप्तरी क्षेत्र नं १ मा संघीय समाजवादी फोरम नेपालका डा सूर्यनारायण यादव विजयी हुनुभएको छ । जिल्ला मुख्य निर्वाचन कार्यालयका अनुसार उहाँले २१ हजार ७१२ मत प्राप्त गरी विजयी हुनुभयो ।
उहाँका निकटतम प्रतिद्वन्द्वी पूर्व सांसद रहनुभएका बाम गठबन्धनका अशोक मण्डलले १८ हजार २२५ मत प्राप्त गर्नुभएको थियो ।
