संखुवासभामा वाम गठबन्धनको अग्रता
जिल्लामा एक प्रतिनिधिसभा तथा दुई प्रदेशसभा निर्वाचन क्षेत्रमा वाम गठबन्धनका उम्मेदवारले अग्रता लिएका छन् ।
अहिलेसम्मको मत गणना अनुसार प्रतिनिधिसभा सदस्यमा वाम गठबन्धनका तर्फबाट नेपा (एमाले) का उम्मेदवार राजेन्द्रप्रसाद गौतमले १८ हजार ४९६ मत प्राप्त गर्नुभएको छ । नेपाली काँग्रेसका दीपक खड्काले १७ हजार ५७० मत प्राप्त गर्नुभएको छ ।
यस्तै, प्रदेश ‘क’ मा माओवादी केन्द्रका पूर्णप्रसाद राईले ११ हजार ८१० मत प्राप्त गर्नुभएको छ । काँग्रेसका टंकप्रसाद राईले १० हजार ७२५ मत पाउनुभएको छ ।
यसैगरी, प्रदेश ‘ख’ मा एमालेका तुलसीप्रसाद न्यौपाने आठ हजार ६५२ मतसहित अग्रता लिनुभएको छ भने काँग्रेसका दीपक लिम्बुले आठ हजार ५०९ मत प्राप्त गर्नुभएको छ ।
