यी हुन् प्रधानमन्त्री देउवा पत्नी आरजुलाई हराउने नारदमुनि राना



कैलाली-५ मा नेपाली कांग्रेस उम्मेदवार  प्रधानमन्त्री पत्नी आरजु देउवालाई पराजित गर्ने नारदमुनि राना पहिलो संविधान सभा निर्वाचनमा पनि नेकपा एमालेको तर्फबाट समानुपातिक सांसद भएका थिए।

राना २०५४ सालमा एमालेको तर्फबाट तात्कालिक धनगढी नगरपालिकाको उप-मेयरमा पनि निर्वाचित भएका थिए।

धनगढी उप-महानगरपालिका ८ मा २०२९ सालमा जन्मेका रानाले विद्यार्थीकालमा अनेरास्ववियुको राजनिति गरेका थिए।

धनगढीका स्थायी बासिन्दा ४४ वर्षीय रानाले राजनीतिशास्त्रमा स्नातकोत्तर (एमए)गरेका छन्। प्रधानमन्त्री पत्नी देउवाले आफूलाई स्थानीयको रुपमा देखाउन घर किनेको प्रचार  गरेकी थिइन्। देउवाको घर किन्छु भन्ने प्रतिबद्धताले पनि उनको हारलाई रोक्न सकेन। नजिकबाट चिन्नेहरु रानालाई स्वच्छ छवि भएको नेता भन्छन्।

रानालाई सांसद भएका बखत रातो पासपोर्ट दुरुपयोग गरेको आरोप लागेको थियो। पछि उनले उक्त आरोपमा अख्तियारबाट सफाइ पाएका थिए।

कैलाली ५ लाई कांग्रेसको  बलियो पकड भएको क्षेत्र हो। स्थानीय तह निर्वाचनमा धनगढी उपमहानगरपालिकामा कांग्रेसले मेयर/उपमेयर सहित बहुमत वडामा जितेको थियो।

केन्द्रले शक्तिको आडमा आरजुलाई टिकट दिएको भन्दै स्थानीय नेताहरु रुष्ट थिए। कैलाली ५ बाट दोस्रो संविधान सभा निर्वाचनमा विजयी भएका पुष्करनाथ ओझाले असहयोग गर्नु र बाम गठबन्धन एक ठाउँ हुनुलाई आरजुको पराजयको कारणका रुपमा लिइएको छ।

कैलाली ५ मा रहेका राना समुदायका मत तान्न आरजुले स्थानीय तहमा माओवादी केन्द्रबाट मेयर उम्मेदवार भएका राम समझ रानालाई कांग्रेसमा प्रवेश गराएकी थिइन्। स्थानीय क्षेत्रमा चर्चित रहेका नारदमुनिको व्यक्तित्वले आरजुले गरेका प्रयासलाई असफल पारिदियो।

प्रतिक्रिया दिनुहोस
प्रधानमन्त्रीले बोलाए मन्त्रिपरिषद्को आकस्मिक बैठक

     प्रधानमन्त्री केपी ओलीले बुधबार अपराह्न पाँच बजेका लागि मन्त्रिपरिषद्को आकस्मिक बैठक

सौर्य एयरलाइन्स दुर्घटनामा एकै परिवारका तीन जनाको मृत्यु

    बुधबार पोखराका लागि उडेपछि दुर्घटनामा परेको जहाजमा एकै परिवारका तीन जनाले

पूर्व राज्यमन्त्री रायको हत्या उनकै घरमा काम गर्ने युवकबाट

    पूर्वराज्यमन्त्री रामचन्द्र रायको हत्या उनकै घरमा काम गर्ने युवकबाट भएको प्रहरी

पाइलटबाहेक कोही बाँचेनन्, १८ जनाको शव निकालियो (सूचीसहित)

    काठमाडौंबाट पोखरातर्फ प्रस्थान गर्नेक्रमा सौर्य एयरको ९ एन एएमई जहाज दुर्घटना