जनता बैंकका सेयरधनीले पाउने भए १४.४० प्रतिशत बोनस
जनता बैंक नेपाल लिमिटेडका सेयरधनीले १४.४० प्रतिशत बोनस सेयर पाउने भएका छन् । बैंकको शुक्रबार (मंसिर १५ गते) बसेको संचालक समितिको बैठकले आफ्ना सेयरधनीलाई उक्त अनुपातमा बोनस सेयर दिने प्रस्ताव अघि सारेको हो । प्रस्तावित बोनस सेयर नेपाल राष्ट्र बैंकबाट स्वीकृत भई बैंकको आगामी साधारणसभाले पारित गरेपछि सेयधनीले पाउनेछन् ।
बैंकले गत आर्थिक वर्षको कमाईबाट हाल कायम चुक्तापुँजीको १४.४० प्रतिशतले हुने एक अर्ब ७० लाख ९१ हजार नौ सय ३५ रुपैयाँको बोनस सेयर जारी गर्नेछ । हाल, जनता बैंकको चुक्तापुँजी छ अर्ब ९९ करोड ३६ लाख ९३ हजार नौ सय ९० रुपैयाँ रहेको छ । बोनस सेयर जारी भएपनि जनता बैंकको चुक्तापुँजी आठ अर्ब रुपैयाँ नाघ्नेछ ।
