दुई दर्जनभन्दा बढी पशु चौपायाको मृत्यु
भ्यागुते रोगको संक्रमण फैलिएपछि सप्तरीको राजविराज नगरपालिका–१५ देउरी भरुवामा पशुचौपाया मर्न थालेका छन् ।
रोगका कारण यहाँ अहिलेसम्म करिब दुई दर्जनभन्दा बढी पशुचौपायाको मृत्यु भइसकेको छ । कात्तिकको अन्तिम साताबाट सो रोगको प्रकोप देखा परेको हो ।
देउरी भरुवाका १३ जना किसानको गाई, गोरु, भँैसी, बाख्रालगायत पशुचौपायाको मृत्यु भएको स्थानीयवासी बौकाइ यादवले बताउनुभयो । रोगका कारण पशुचौपायामा ¥याल आउने, दम फुल्ने, घाँटी दुख्ने र पातलो दिशा हुनेलगायत लक्षण देखिने गरेको किसानले बताएका छन् ।
जिल्ला पशु सेवा कार्यालयका पशु विकास, योजना तथा बजार प्रवद्र्धन शाखाका प्रमुख परमेश्वर यादवले भ्यागुते रोगका कारण नै पशुचौपायाको मृत्यु भएको बताउनुभयो । उहाँले भ्यागुते रोग विरुद्धको भ्याक्सिन दिएपछि रोग नियन्त्रणमा आउन थालेको बताउनुभयो । जिल्ला पशुसेवा कार्यालयबाट दुई जनाको टोली रोग प्रभावित क्षेत्रमा पठाइएको उहाँले बताउनुभयो ।
