घुसका सरदार र स्त्री लम्पट पाण्डे अख्तियारको कब्जामा, घुसको पैसाले रातोपुलमा युवतीलाई रक्सी पसल

वैदेशिक रोजगार विभागका महानिर्देशक विश्वराज पाण्डे घुस लिएको आरोपमा पक्राउ परेका छन् । अख्तियार दुरुपयोग अनुसन्धान आयोगले पाण्डेलाई पक्राउ गरेको हो । रक्सि र युवती नभई नहुने पाण्डेले बैदेशिक रोजगार ब्यबसायी संग घुस असुलेका हुन्। अख्तियार दुरुपयोग अनुसन्धान आयोगको विशेष टोलीले विभागका शाखा अधिकृत कृतिवल्लभ पौडेललाई दश लाख रुपैयाँ घुससहित पक्राउ गरेको थियो । पौडेलसँगै विभागकै नायव सुब्बा खड्गबहादुर केसी पनि पक्राउ परेका थिए ।

 

उनीहरुको बयानका आधारमा महानिर्देशक पाण्डेको पनि त्यसमा मिलेमतो देखिएपछि पक्राउ गरिएको अख्तियार श्रोतले जानकारी दियो ।
मंगलबार राति ८ बजे नयाँ बानेश्वरस्थित इन्द्रेणी फुडल्याण्डबाट पौडल र केसी समातिएका थिए । वैदेशिक रोजगार न्यायाधीकरणमा विचाराधीन मुद्दा मिलाइदिने भन्दै उक्त रकम लिएको प्रारम्भिक अनुसन्धानमा खुलेको छ ।
उनीहरुलाई पाण्डेले नै परिचालन गरेको अनुसन्धानबाट खुलेपछि पक्राउ गरिएको बुझिएको छ । पाण्डे आमागमी मंसिर ६ गते अवकाश लिने तयारीमा थिए । चाबहिलको अम्बे अपार्टमेन्टमा बस्ने पाण्डेले रातोपुलमा मदिरा पसल समेत संचालन गर्ने गरेका थिए। रखौल युवतीलाई सो पसल किनिदिएका उनि रेखा थापा बस्ने अपार्टमेन्टमा बस्ने गरेका छन्।