विप्लबको पार्टीमा यसरी लाग्यो खिया,चुनाव बहिष्कारमा लागेका विप्लवलाई सबैले छोडे,चुनाबको मुखैमा प्रचण्डलाई यस्तो फाइदा
सबै दल चुनावको तयारीमा लागेका बेला ‘विद्रोही र उग्र’ स्वभावका नेता नेत्रविक्रम चन्द विप्लव भने चुनाव बहिष्कारको अभियानमा छन् । तर, विप्लवको यो अभियानमा साथ दिने सहयात्री भने विस्तारै लाखापाखा लागिरहेका छन् । पार्टीका सहयात्रीले छाड्दै जान थालेपछि यतिबेला विप्लव नराम्रोसँग एक्लिँदैछन् ।
प्रचण्ड नेतृत्वको तत्कालीन माओवादीबाट मोहन बैद्य किरणसहितका केही विद्रोही स्वभावका नेताहरुसहित बाहिरिएका विप्लव त्यसपछि वैद्यसँग पनि लामो समय टिक्न सकेनन् । वैद्य पनि आत्मसमर्पणवादी देखिएको भन्दै उनी त्यहाँबाट पनि छुट्टिएर अर्को पार्टी गठन गरेका थिए । तर विप्लवले गठन गरेको त्यो पार्टी अहिले भित्रभित्र रित्तिँदै गएको छ । यहाँका नेता कार्यकर्ताहरु विस्तारै पलायन हुँदैछन् ।
विप्लवको पार्टीभित्रको असन्तुष्टि पछिल्लो समय महोत्तरीमा देखिएको छ । विप्लवको पार्टी नेपाल कम्युनिष्ट पार्टीका केन्द्रीय सल्लाहकार संयोजक नै पुनः माओवादी केन्द्र फर्किएका छन् । केन्द्रीय सल्लाहकार संयोजक बलबहादुर बलम्पानी पुनः पुरानै पार्टी माओवादी केन्द्रमा फर्किएका हुन् । बलम्पाकी आफूमात्र फर्किएनन् उनले आफूसँगै २ सय नेता कार्यकर्तालाई आफूसँगै माओवादी केन्द्रमा ल्याएका छन् ।
पार्टीमा भित्रिएका आगन्तुकलाई महोत्तरी क्षेत्र नम्बर १ मा बाम गठबन्धनतर्फका उम्मेदवार रहेका माओवादी नेता गिरिराजमणि पोखरेलले स्वागत गरेका हुन् । माओवादी केन्द्रबाट बाहिरिए र बैद्य नेतृत्वमा नयाँ पार्टीमा पुगेका अधिकांश नेता कार्यकर्ताहरु माओवादी केन्द्रमा फर्किइसकेका छन् । यही क्रममा विद्रोही प्रवृत्तिका विप्लवसँगै नेता कार्यकर्ताले विद्रोह गर्नुलाई अर्थपूर्ण रुपमा हेरिएको छ । निर्वाचनका लागि ३ हप्ताको समय बाँकी रहँदा यसरी नेता कार्यकर्ताले विद्रोह थालेपछि विप्लवको बहिष्कारको एजेण्डाको भविष्य समेत अनिश्चित भएको छ ।
