वाम गठबन्धन बनेपछि देखी सक्रिय अमेरिकी राजदुतले यसकारण दोहोर्याएर देउवालाई भेटिन,के पाक्दैछ नेपालको राजनीतिमा?
एमाले र माओवादी केन्द्रबीच वाम गठबन्धन बनेपछि अमेरिकी राजदूत अलाइना बी टेप्लिजले मंगलबार दोस्रोपटक प्रधानमन्त्री शेरबहादुर देउवासँग भेट गरेकी छन् ।
भेटमा आसन्न निर्वाचन, वाम गठबन्धन, कांग्रेसको पोजिशन र निर्वाचन तयारीबारे छलफल भएको स्रोतले बतायो । जवाफमा प्रधानमन्त्री देउवाले तोकिएको समयमा चुनाव हुने जानकारी गराएका थिए ।
कम्युनिष्टभन्दा डेमोक्रेटलाई बढी प्राथमिकता दिने अमेरिकाले माओवादी केन्द्र र एमालेबीच आगामी मंसिरमा हुने निर्वाचनमा तालमेल गर्ने र त्यसपछि पार्टी एकता गर्ने निर्णयपछि पछिल्लो समय राजदूत टेप्लिजलाई सक्रियताका साथ भेटघाटमा खटाएको छ ।
आगामी मंसिरमा हुने निर्वाचनमा बामपन्थी पार्टीहरुबीच तालमेल गर्ने एमाले र माओवादीको निर्णयपछि अमेरिकी राजदूतले प्रधानमन्त्री देउवालाई भेटेको यो दोस्रो पटक हो ।
प्रकाशित मिति : ७ कार्तिक २०७४, मंगलबार १२ : ३० बजे
